Atap aıtqanda, Sot ákimshiliginiń jumysy týraly ereje ázirlendi, ol QR Joǵarǵy Soty janyndaǵy Sottardyń qyzmetin qamtamasyz etý departamentinen qaıta quryldy.
Sot ákimshiliginiń mindetteri:
- Sot ákimshiligi salasyndaǵy memlekettik saıasatty ázirleý jáne jetildirý;
- Sot tóreligin tolyq jáne táýelsiz iske asyrý úshin qajetti jáne jetkilikti jaǵdaılar jasaý;
- Sot júıesi men Sottardyń qyzmetin jetildirýge baǵyttalǵan júıeli reformalardy ázirleý.
Sot ákimshiligi QR Joǵarǵy Sotynyń, jergilikti jáne basqa da sottardyń qyzmetin uıymdyq-quqyqtyq, aqparattyq-taldamalyq jáne materıaldyq-tehnıkalyq qamtamasyz etýdi júzege asyratyn sot ákimshiligi salasyndaǵy ýákiletti memlekettik organ bolyp esepteledi.
«Mundaı tásil arqyly Sýdıalar korpýsy sot tóreligin júzege asyrý máselelerine tolyǵymen shoǵyrlanatyn bolady», delingen túsindirmede.
Sot Ákimshiliginiń qurylymynda QR Joǵarǵy Sotynyń apparaty qurylady.
Aıta ketsek, Sot ákimshiliginiń qyzmetkerleri jalaqy deńgeıi, materıaldyq, qarjylyq jáne áleýmettik-turmystyq qamtamasyz etýdiń ózge de sharttary boıynsha QR Premer-Mınıstri Keńsesiniń jáne QR Parlamenti Palatalary apparattarynyń qyzmetkerlerine teńestiriledi.
Qujat 18 qańtarǵa deıin ashyq talqylaý úshin Ashyq NQA saıtynda ornalastyrylǵan.
