«О́tken aptada Eýropa keńesiniń Prezıdenti Sharl Mıshel bizdiń elge resmı saparmen kelgenin bilesizder. Sol kezde Qazaqstan men «Nemis-Shved» kompanııasy arasynda ınvestısııa týraly tıisti kelisimge qol qoıyldy. Investor Mańǵystaý oblysynda «jasyl» sýtegi óndirisin iske qosýdy josparlap otyr», dedi Memleket basshysy Mańǵystaý óńirine jumys sapary barysynda.
Prezıdenttiń aıtýynsha, oblysta kúnine 255 myń tekshemetr sý tushytatyn zaýyt, 40 gıgavatt jańǵyrtylatyn qýat kózderi stansasyn salý josparlanǵan.
«Osy joba júzege asyrylsa, qurylys kezinde 3500, al nysan iske qosylǵan kezde 1800 turaqty jumys ornyn ashýǵa múmkindik týady. О́z mamandarymyzdy oqytyp, daıarlaımyz. Tıisti ınfraqurylym salynady. Investor ózine júktelgen áleýmettik mindettemelerin oryndaıdy. Aımaqtyń damýyna keshendi áleýmettik-ekonomıkalyq áserin tıgizetin osyndaı jobalar kóp bolýy kerek. Qazir búkil álemde ınvestısııa úshin báseke kúsheıdi. Bizdiń elimiz óz áleýetin tolyq paıdalanyp, ınvestısııalyq ahýaldy jaqsartýǵa myqtap kirisýi kerek. Taǵy da qaıtalap aıtamyn, Úkimet pen ákimder birlesip, bul máselege basa nazar aýdarýǵa tıis», dep túıindedi Qasym-Jomart Toqaev.
