Sanıtarlyq-epıdemıologııalyq baqylaý komıteti túsindirgendeı, bas sanıtarlyq dárigerdiń qaýlysyna sáıkes, JRVI men tumaý aýrýynyń joǵarylaýy oqýshylardyń qashyqtyqtan oqytýǵa kóshýine bolady.
«Bir ınkýbasııalyq kezeń ishinde bir synyptaǵy oqýshylar arasynda 20-30%-ǵa deıingi JRVI aýrýy tirkelse, kúntizbelik on kún ishinde synyptarǵa jańadan bala qabyldaýǵa tyıym salý usynylady. Epıdemııalyq proseske JRVI-men aýyratyn naýqastardyń jalpy sany 30% jáne odan kóp bolǵan jaǵdaıda bir ınkýbasııalyq kezeń ishinde oqýshylardy onlaın-oqytýǵa aýystyrý júzege asyrylady», dep habarlady komıtet ókilderi.
Sanıtarlyq dárigerler atap ótkendeı, buǵan deıin mektep oqýshylary tek koronavırýstyń órshýine baılanysty onlaın oqýǵa kóshken. Tumaý men JRVI alǵash ret oqýshylardy qashyqtyqtan oqytýǵa aýystyrýǵa sebep bolýy múmkin.
Al Oqý-aǵartý mınıstrligi synyptarda JRVI órshýi jaǵdaıynda balalardy onlaın oqytýǵa aýystyrý týraly usynyspen kelispeıtinderin habarlady.
«Álemde mektepter - birinshi bolyp ashylyp, sońǵy bolyp jabylady. Bul týraly IýNISEF ókilderi de málimdedi. Biz balalardyń tolyqqandy sapaly bilimi men ál-aýqatyn qamtamasyz etýdi mańyzdy dep sanaımyz. Oqý-aǵartý mınıstrligi onlaın-rejımde oqytý boıynsha usynysty qoldamaıdy», dep túsindirdi vedomstvoda.
Aıta keteıik, buǵan deıin densaýlyq saqtaý mınıstrliginiń ókili Roza Qojanova epıdemııalyq maýsym bastalǵannan beri Qazaqstanda JRVI-niń 764 247 jaǵdaıy tirkelgenin habarlaǵan edi.
