OSK múshesi Anastasııa Shegorsova kandıdattardyń úgit-nasıhat jumystaryn kandıdat ózi belgilep, senim bildirgen adamdar ǵana júzege asyra alatynyn túsindirdi.
«Sondyqtan bul jaǵdaıda kandıdat senim bildirgen adam debatqa qatysa alady. Shtab ortalyqtary bizge debatqa qatysatyn kandıdattar tizimin usyndy. Biz senimhatqa qaradyq. Mindetterge tolyq sáıkes keledi. Naqty tizim bekitildi», dedi A.Shegorsova.
11 qarashada «Habar» telearnasynda ótetin teledebatqa qatysýshylardyń tizimi belgili boldy.
«Debatqa Qaraqat Ábden, Nurlan Áýesbaev, Jıgýlı Daırabaev, Meıram Qajyken, Erlan Qoshanov (Qasym-Jomart Toqaevtyń ókili retinde), Saltanat Tursynbekova qatysady. Debat 4 raýndta ótedi. Birinshisi – saılaýaldy baǵdarlamanyń tusaýkeseri, ekinshisi – pikirtalas, onda qatysýshylar qarsylastaryna eki suraqtan qoıady, sonymen qatar eki suraqqa jaýap beredi. Suraqty qurastyrýǵa 30 sekýnd, jaýap berýge eki mınýt ýaqyt beriledi. Úshinshi týr – saılaýshylardyń suraqtary. Ár úmitkerge bir suraq qoıylyp, jaýap berýge eki mınýt beriledi. Tórtinshi týr – saılaýshylarǵa úndeý, ýaqyty - eki mınýtqa deıin», dep túsindirdi QR OSK múshesi.
Qazaqstanda kezekten tys prezıdent saılaýy 20 qarashaǵa belgilengen.
