Eýrazııalyq ekonomıkalyq odaq – turaqty ári qýatty damý baspaldaǵy

ASTANA. 28 mamyr. Eýrazııalyq ekonomıkalyq odaq  kedendik kedergilerdi joıyp, el ekonomıkasyn kóterýge jol ashady. Astana qalasynyń ákimi Imanǵalı Tasmaǵambetov osylaı dedi. Bul týraly astana.kz habarlady. Onyń aıtýynsha, Eýrazııalyq ekonomıkalyq odaq tóńkeris tabaldyryǵynda turǵan álemde básekege tótep berip, kósh ilgeri jyljıdy. Saýda-sattyq, munaı, gaz tasymaly, kólik qatynasynda kedergi bolmaıdy. Imanǵalı Tasmaǵambetov: «Dúnıejúzilik ekonomıkalyq forýmnyń málimetinshe, jahandyq básekelestiktiń ındeksi qazaqstandyq bıznestiń básekege qabilettiligi 50-orynda. Reseı 64, Belorýs eli 94-orynda eken. Menińshe, HHI ǵasyrda qaı eldiń bolmasyn ulylyǵy men qarymyn ınnovasııalyq, aqparattylyq jáne kásipkerlik qabiletinen paıymdaýǵa bolady. Sondyqtan EýrAzEO básekege qabilettilikti arttyryp, ekonomıkalyq keńistikke jol ashady dep senemin», – dedi. Astana qalasy ákimi aıtqandaı, Eýrazııalyq ekonomıkalyq odaqqa múshe elder bir-biriniń ishki isine aralaspaı, egemendik pen memlekettik she­karalarǵa qol suqpaıdy. Sonysymen-aq Eýrazııalyq odaq turaqty ári qýatty, tıimdi tustarymen kópshilik qoldaýyna ıe boldy. Bul saıası-ekonomıkalyq baılanysy berik, ózara yntymaqtastyq qarym-qatynasty saqtap kele jatqan memleketterdiń damýynyń jańa belesi bolmaq. Joldybaı Bazar. Derekkóz: astana.kz. Foto: news.nur.kz.