Kezdesý barysynda munaı-gaz jáne energetıka sektorlaryndaǵy yntymaqtastyqtyń perspektıvalary talqylandy. Taraptar Qarashyǵanaq jáne Qashaǵan ken oryndaryn odan ári ıgerý máselesine erekshe nazar aýdardy.
Qasym-Jomart Toqaev jaqyn arada qyzmetinen bosaıtyn Ben van Berdenge Qazaqstannyń munaı-gaz salasyn damytýǵa qosqan úlesi úshin alǵys aıtty. Sondaı-aq atalǵan kompanııanyń basshylyǵyna keletin Ýael Saýanǵa tabys tiledi. Prezıdent onyń qyzmeti elimizben ózara tıimdi seriktestikti damytýǵa septigin tıgizetinine senim bildirdi.
Kezdesý sońynda Prezıdent munaı-gaz ónerkásibin damytýǵa qosqan eleýli úlesi úshin Ben van Berdendi II dárejeli «Dostyq» ordenimen marapattady.
