Byltyr jazda ótken dál osyndaı jıyn barysynda IBA prezıdenti Ýmar Kremlev eresekter arasyndaǵy 2023 jylǵy álem chempıonatynyń jalaýy О́zbekstannyń astanasy – Tashkentte jelbireıtini jaıynda málimdegen edi. Keshe sol jarystyń naqty ýaqyty belgilendi. Dúbirli doda 1-14 mamyr aralyǵynda ótetin boldy. Bylǵary qolǵap sheberleri úshin taǵy bir qýanyshty jaǵdaı – jarystyń júlde qory eki esege artty. Endi ol 5,2 mıllıon AQSh dollaryn quraıdy. Tarqatyp aıtsaq, álem chempıony atanǵan boksshyǵa 200 myń dollar tabys etilse, kúmis júldeger sol somanyń teń jartysyn ıelenedi. Al qola medaldy moınyna ilgen sportshy 50 myń dollardy qaltasyna basady.
Byltyr Belgradta uıymdastyrylǵan álem chempıonatynyń júlde qory 2,6 mıllıon AQSh dollaryn qurady. Sonyń 100 myńy jeńimpazǵa berilse, kúmis pen qola júldegerler 50 jáne 25 myńnan enshiledi.
