Bıylǵy maýsymda ala-qula oınap júrgen elordalyq klýb taǵy da óz jankúıerlerin jerge qaratty. Bul joly olar jarys kestesiniń bel ortasynda kele jatqan «Vıtıazge» ese jiberdi. Alma-kezek damylsyz shabýylmen ótken básekeniń 8-mınýtynda Vladıslav Kara qonaqtardy alǵa shyǵardy. Odan keıin jarty saǵattan asa ýaqyt boıy tablodaǵy esep ózgergen joq. Esesine úshinshi kezeńde qos qaqpaǵa eki-eki goldan soǵyldy. 41-mınýtta Kara dýbldiń avtory atansa, kóp uzamaı Arkadıı Shestakov esep aıyrmashylyǵyn qysqartty. 49-mınýtta Aleksandr Iаremchýk úshinshi shaıbany qaqpaǵa engizdi. 55-mınýtta Dinmuhamed Qaıyrjan nysanany dál kózdep, jergilikti kórermendi qýantty. Biraq odan árige jerlesterimizdiń áli de, ýaqyty da jetpedi. Esep – 2:3.
28 kezdesýden keıin nebári 25 upaı jınaǵan «Barys» qazirgi kezde turaqty birinshiliktiń jarys kestesinde 18-oryndy qanaǵat tutyp otyr.
