Tasjoldaǵy jarys

Seısenbi kúni Qaraǵandy qalasynda tasjoldaǵy velosport jarysynan Azııa chempıonaty bastaldy. Osy kúni Qazaqstan quramasy alǵashqy júldege ıe boldy. Jas­óspirimder arasynda jarys jolyna shyqqan Álisher Ju­maqan koreılik sportshy Kım Djı­hýnýdan sanaýly sekýndtar ǵana qalyp, márege ekinshi bolyp keldi. Keshe áıelder arasynda Marjan Baıtileýova, Astanada ótken velobáıgeniń bas júldesin alǵan Ekaterına Iýraıtıs jarys jolyna shyqty. Bıylǵy chempıonatqa 27 elden komandalyq jáne jekelegen jarysqa 200-den astam sportshylar qatysýda. Qazaqstan quramasynda Azııa oıyndarynyń chempıony, Azııanyń birneshe dúrkin júldegeri, Dmıtrıı Grýzdev Valentın Iglınskıı, Maksım Iglınskıı, Danııl Fomı­nyh, Rýslan Tileýbaev, Arman Kamy­shev kúsh synasýda. Áıel­der komandasynda Marjan Baıtileýova, Álııa Qarǵalıeva, Mahabbat Úmitjanova, boıjetken qyzdar quramynda velotrekten Azııa chempıony Nadejda Jeneleva, Faına Potapova, Svetlana Rıabova jáne Ekaterına Iýraıtıs qatyssa, jasóspirimder arasynda ótetin báıgede Evgenıı Gıdıch, Maksım Satlıkov, Grı­gorıı Shteın, Alekseı Vo­lo­shın men Álisher Jumaqan baq synasady. Erler arasynda eń uzaq qa­shyqtyqqa – 210 km. arnalǵan jarys 1 maýsym kúni bastalady. Osy syndar «Qazsport» tele­arnasynda tikeleı efırde kórsetiledi. Jalpy, bıylǵy eresekter jáne jasóspirimder arasynda ótip jatqan Azııa chempıona­tynda otandastarymyz namysqa tyrysyp óner kórsetýde. Astanada ótken 34-shi Azııa dodasynda 4 altyn, 3 kúmis jáne 1 qola medal alǵanymyzdyń ózi jaqsy kór­setkish deýge bolady. Osy syn­da taǵy qazaq­stan­­dyq sportshy­lar arasynda omnıým (jeke qýalaý báıgesi ) jary­synda úzdik sportshy ataǵyna Dıas О́mir­zaqov ıe boldy. Ol márege birin­shi kelgenimen jalpy esepte úzdik úshtikke ene almaı, altynshy oryndy qanaǵat tutty. Osynyń ózi jas talant úshin jaqsy nátıje. Al Qaraǵandy tas joldaryndaǵy jarysqa kelsek, bul synda da elimizdiń kók baıraǵyn bıikte jelbiretetin jastarymyz bar. Sonyń ishinde eki dúrkin Azııa chempıony atanǵan Ekaterına Iýraıtısti aıtýǵa bolady. Endi kimniń qandaı nátıje kór­setetinin aldaǵy kúnderi biletin bolamyz. Dastan KENJALIN, «Egemen Qazaqstan».