Suhbat • 10 Qarasha, 2022

«Bentlıdiń osal tusyn taptyq» - Jánibek Álimhanulynyń menedjeri aldaǵy jekpe-jek týraly aıtty

6668 ret kórsetildi

Sanaýly kúnnen keıin Jánibek Álimhanuly (12-0, 8 KO) alǵash ret chempıondyq beldigin qorǵaıdy. Onyń bul jolǵy qarsylasy – brıtanııalyq Denzel Bentlı (17-1-1, 14 KO). Otandasymyzdyń jekpe-jek aldyndaǵy jaı-kúıin, ázirligin bilý úshin Jánibek Álimhanulynyń menedjeri Berik Sultanmen áńgimelesken edik.

- Jánibek Álimhanulynyń kezdesý aldyndaǵy kóńil-kúıi, daıyndyǵy qalaı?

Bizdiń komanda úshin bul óte mańyzdy jekpe-jek. Sebebi chempıondyq belbeýimizdi alǵash ret qorǵaıyn dep jatyrmyz. Bul tek komanda úshin ǵana emes, qazaq eli úshin de mańyzdy jekpe-jek. О́ıtkeni Jánibek qazaq dalasyna WBO tujyrymynyń álem chempıony tıtýlyn alyp kelgen, osy tujyrymda chempıon bolǵan tuńǵysh qazaq. Tarıh jasaǵan sportshy. Sol úshin de bul shoýdy jankúıerler taǵatsyzdana kútip otyr. Eldiń senimin arqalaǵan bizge qazir bir sátke de bosańsýǵa bolmaıdy. Kóńil kúı de daıyndyq ta tamasha! Daıyndyq ádettegideı Los-Andjeles qalasynda ótti. Eki aı boıy shyńdaldyq. Úsh boksshymen toqsan raýndqa jýyq sparrıng jasaldy. Buıyrtsa, bul jekpe-jek Jánibekke ońaı bolady dep oılaımyn. 

- Qarsylastyń qarym-qabileti jaıly ne aıta alasyzdar? Onyń ádis-tásilderin, osal tustaryn zerttep úlgerdińizder me?

Qarsylas osal emes. WBO-nyń reıtinginde turǵan boksshy. Ol reıtıngke kez kelgen bylǵary qolǵap sheberi kire almaıdy. Ol - óz eliniń úzdigi. Rıngte erkin qımyldaıtyn, soqqysy aýyr, tájirıbeli qarsylas. Degenmen kim bolsa da, qandaı bolsa da Jánibekti ýaıymdata almaıdy. Sebebi «QAZAQ STYLE» osyǵan deıin eki birdeı álemniń eks chempıonyn nokaýtpen utqan. Bentlıden de myqty qarsylastarmen, ıaǵnı chempıondarmen judyryqtasýǵa daıynbyz. Olardy jekpe-jekke shaqyryp ta júrmiz. Bentlıdi jeńýge bizde birneshe aıla-tásil daıyn. Osal tustaryn taýyp, jattyǵý lagerinde daıyndaldyq. Buıyrsa, kóresizder! 

y

Jánibek Álimhanuly komandasymen Las-Vegasqa keldi

- Qazan aıynda Jánibek «Rıngte jarqyraımyn» dedi. Kórermenderge kózildirik taǵyp kelýge keńes bergen. Onyń bul sózinen ózine degen zor senim baıqalady. Biraq bul - qarsylasty mensinbeý emes pe? 

Senimdi sóıleý, iri sóıleý – Jánibektiń stıli. Buǵan qazir jankúıerler de úırendi. Jánibek qur sóılep qana qoımaı, sózin ispen dáleldep qoıǵan boksshy. Álem chempıony. Kásipqoı boksta qazir momyn boksshylar shette qalady. Qazir únemi nazarda bolýyń kerek. Al qarsylas mensinbeý degen bizde múlde joq. Qarsylas mensinbesek eki aı boıy qan men ter tógip jattyqpas edik. Toqsan raýnd sparrıng jasap sharshamas edik. Kúnine eki mezgil jattyǵý jasap áýre bolmas edik. Qazaq «elemegen butaq kóz shyǵarady» deıdi. Qarsylastyń qaýipti ekenin bilgen soń osylaı jattyǵyp jatyrmyz. Mensinbesek osylaı jasaımyz ba? Al qarapaıymdylyqqa kelsek, Jánibekten asqan qarapaıym sportshyny men áli kezdestirmeppin. Jánibek boıynda tákapparlyǵy joq, kishipeıil, ádepti jáne óte qarapaıym boksshy. Al iri sóıleýdi maqtanýmen, senimdi bolýdy tákapparlyqpen shatastyrmaý kerek. Ekeýi eki bólek dúnıe. Muny Jánibek ózi de jankúıerlerine aıtqan bolatyn. Jánibek -  batyr. Batyr degen qarsylasyna syzylyp sóılep, meıirlene qaramaıdy. Batyrdyń qarsylasy jaýy tárizdi. Jaýyn tuqyrtý úshin, qorqytý úshin, jeńý úshin jaýynger baryn salady. Boks – jekpe-jek. Sen urmasań, seni urady. Seni jyly sóıledi dep jáı urmaıdy. Qarsylasyń seni qulatýǵa, abyroıyńdy túsirýge baryn salady. Al ondaı adamǵa qalaı meıirlene sóıleısiń? Boks qatal sport. Bul sportta jeńý men jeńilisten bólek, ólim de bar. Múgedek bolý qaýipi de bar. Boksshyny bıshi, ánshilermen shatastyrmaý kerek!

- Rahmet! Jeńisti sátterińiz kóp bolsyn!

Sońǵy jańalyqtar

Qaterli isikti emdeýdiń jańa ádisi

Medısına • Búgin, 21:15

Qaterli isikti emdeýdiń jańa ádisi

Medısına • Búgin, 21:15

Jumysshylarǵa suranys kóp

Qoǵam • Búgin, 21:09

Aıan týraly baıan

Rýhanııat • Búgin, 21:07

eGov Mobile qosymshasyna júginedi

Qoǵam • Búgin, 21:06

Qurylysty sıfrlandyrý deńgeıi tómen

Qazaqstan • Búgin, 21:05

Úzdikter anyqtaldy

Fýtbol • Búgin, 21:04

Jigitter jigersizdik tanytty

Sport • Búgin, 21:03

Fransııa – pleı-offta

Fýtbol • Búgin, 21:01

Baqyttyń mekenin ulyqtaǵan joba

Qoǵam • Búgin, 20:58

Aıazdaǵy apat

Aımaqtar • Búgin, 20:57

Arheolog asýlary

Qoǵam • Búgin, 20:54

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Uqsas jańalyqtar