Mınıstrdiń aıtýynsha, qumar oıyndaryn oınaǵan ár áskerı qyzmetkerge qyzmettik tergeý taǵaıyndalǵan.
«Onda áskerı qyzmetshiler emes, áskerı kúshterdiń qyzmetkerleri de bar. Olardyń árqaısysy boıynsha qazir qyzmettik tergeý taǵaıyndalǵan. Tergeý qorytyndysyna súıene otyryp, men odan ári qyzmetti jalǵastyrý týraly sheshim qabyldaımyn. Biraq aldymen tergeý júrgizeıik», dep túsindirdi mınıstr Senat otyrysynda.
Bul rette vedomstvo basshysy kazınoda utylǵandardyń joǵary quramǵa qatysy joqtyǵyn, qumar oınaǵandardyń «tájirıbesiz jastar» ekenin de atap ótti.
«Bizde bári bar, qyzmettik tergeý júrgizilýde. Bul áskerı qyzmetshilerdiń ortasha quramy. Joǵary quramnan emes. Bilesiz be, joǵary quramnyń oǵan ýaqyty joq, óıtkeni biz únemi dalada bolamyz, jumys isteımiz. Bizdiń áskerı qyzmetshiler kórsetshkishi boıynsha qarajat somasy az. Keıbir jerde jastar tájirıbesiz», dedi Rýslan Jaqsylyqov.
Esterińizge sala keteıik, buǵan deıin Memlekettik qyzmet isteri agenttigi kazınoda 507 mıllıon teńge joǵaltqan sheneýnikter týraly málimdeme jasap edi.
