Jýyrda qala ákimi Jetisý aýdanynyń turǵyndarymen kezdesý ótkizgen edi. Onda jergilikti turǵyndar sement zaýytyna qatysty máseleni qaıta kóterip, shaǵymdandy. Turǵyn úılerdiń dál janynda ornalasqan zaýyttyń jumysyna tyıym salý boıynsha barlyq sot isteri jergilikti turǵyndardyń paıdasyna sheshilgen. Alaıda zaýyt áli de jumys istep tur.
«Men ýáde etkenimdeı, biz bul másele boıynsha jumys isteımiz. Zaýyt tarapynan Joǵarǵy sotqa, sot oryndaýshylarynyń áreketterine apellıasııa berildi. Sondyqtan ókinishke qaraı, biz barlyq sot prosesterinen ótpeıinshe, zaýytty tolǵymen jaba almaımyz. «Nurtaý temir» boıynsha máseleni óz baqylaýymda ustaımyn», dedi Erbolat Dosaev.
Eske sala ketsek, buǵan deıin almatylyqtar úılerine jaqyn ornalasqan sement zaýytynyń jabylýyn talap etken edi. Ákim olarǵa «beıbereketsizdikpen aınalysa almaımyn» dep jaýap berip, sottyń sońǵy sheshimin kútýge shaqyrǵan bolatyn.
