Atap aıtsaq, memleketimizge, azamattarǵa asa qaýip tóndirmeıtin áreket jasaǵandardyń jazasy «Raqymshylyq týraly» Zań aıasynda keshiriledi. Mysaly, teris qylyqtar, onsha aýyr emes, aýyrlyǵy ortasha, aýyr jáne asa aýyr qylmystar osy raqymshylyq zańyna jatady. Árıne, ártúrli baptar boıynsha qarastyrylady.
Biraq terrorlyq, ekstremıstik áreketter, sybaılas jemqorlyq qylmystary jáne de elimizge opasyzdyq jasaǵan azamattar, azaptaýmen aınalysqandarǵa raqymshylyq jasalmaıdy. Sebebi olar jalpy qoǵamǵa, memleketimizge, ásirese azamattarymyzǵa asa qaýip tóndiretin qylmystyq áreketter sanatynda. Sondyqtan negizgi raqymshylyq zańynyń basty kúretamyry men túıini – memleket tarapynan, qoǵam tarapynan shalys basqan azamattarǵa jasalǵan izgilik pen meıirimdilik aktisi dep túsingen jón.
Taǵy bir eskere ketetin jaıt. Raqymshylyq jasalǵan azamattarǵa Úkimet tarapynan, jergilikti memlekettik organdar tarapynan jumysqa ornalastyrý, densaýlyǵyna qatysty kómek kórsetiledi. Turǵyn-jaıy bolmaǵan jaǵdaıda arnaıy ortalyqtar olardy baspanamen qamtamasyz etý máselesin de qarastyrady.
Jalpy, raqymshylyq zańynyń odan ári oryndalýy, osy qujatqa saı bosatylǵan azamattardy qoǵamǵa beıimdeý máselesi memleket nazarynan tys qalmaıdy.
Berik BEKJANOV,
Májilis depýtaty
