Ishiń ashıdy, júziń jasıdy

Bıdaı demekshi, jýyrda Qazaqstan telear­na­synan qyrbaq qardyń astynda bıylǵy jyl­­dyń jal-jal bolyp úıilip jatqan altyn dá­nin kórsetti. Sap sary, shashqan monshaqtaı mól­dir. Taban­aqy, mańdaı terdiń bulaı qalýy qabyr­ǵańdy qaıystyrady, ishiń ashıdy, júziń jasıdy.

Bul qalaıǵa berilgen jaýap, astyq tasıtyn vagon jetpeıdi eken. Samarqaýlyq, nemkettilik jurttyń eńbegin esh ketirý degen osy.

Iá, aınalysyp jatyrmyz deıdi.

Dıqannyń boztorǵaıdaı shyryldaǵan úni qulaq tundyrady. О́ıtkeni qar men jańbyr soltús­tik azamat­tarynyń apshylaryn qýyryp bara­dy. Kóretin kóz, estıtin qulaq tabylsa, qane. Ol ýaqyt­sha qıyndyq qoı, dep muryn shúıi­re­tinder tabylar. Kóktemniń bir kúni jylǵa azyq dep jantalasqan eńbekshiniń janyn uqpaý, atústi qaraý aıyp. Aıypty saǵyzdaı sozbaı jýý – adamdyq.

Eger astyqty óndire almasa, dıqan kináli derimiz haq. Al bardy úılestire almasa, kim­di jazǵyramyz? Bulaı deýimizge bir sebep, sol kúngi aqparat barysynda, bir sheneýnik, Qara­ǵan­dydaǵy kómir kezegi týraly qoıylǵan suraqqa baıla­nysty halyq­ty jazǵyrdy. «Jazdaı aıttyq kómir túsirip alyń­dar dep, tyńdamady, kezek sodan órship tur» dedi.

Durys, buǵan halyq aıypty deıik, jaz boıy astyq tasıtyn vagon saılamaǵanǵa kim kináli? Ish­tiń ashyp, júzdiń jasýy osyndaıdan bolsa kerek.

Súleımen MÁMET