Temirtaýǵa sapary barysynda ol «Arselor Mıttal», jeke qurylys, kommýnaldyq, kúzet kompanııalarynyń qyzmetkerlerimen, sondaı-aq salalyq kásipodaqtardyń ókilderimen kezdesti.
M.Qajyken menshikti atap aıtqanda, jeke sheteldik azamattarǵa tıesili kásiporyndardy ulttandyrý týraly zań jobasyn ázirleý jóninde aıtty. Qazirgi ýaqytta kompanııalardyń, ónerkásiptik kásiporyndardyń jekelegen ıeleriniń ózderiniń sharttyq mindettemelerin oryndamaýy ózekti máselege aınalyp otyr.
«Investor nemese kompanııa ıesi óz mindettemelerine nazar aýdarmaıdy, óndiristi damytýǵa ınvestısııa salmaıdy. Kóz aldynda kásiporyn tozady. Kompanııany ulttandyrý keshe-búgin ǵana kóterilip otyrǵan másele emes. Biraq bul másele qarapaıym da emes. Ulttandyrý týraly zań qabyldaý kerek. Sebebi bul másele Qazaqstandaǵy kóptegen kompanııaǵa qatysty. Investorlar kompanııalardan barlyq qajettini syǵyp alady. Biraq bulaı jalǵastyra berýge bolmaıdy. Olardyń ınvestısııalar, jumys oryndaryn qurý jónindegi mindettemelerin qaıta qaraý qajet», dedi M.Qajyken.
