«Aýyl» partııasy úgit-nasıhat naýqany aıasynda elimizdiń barlyq 20 óńirin qamtyǵany aıtyldy. О́ńirlik shtabtar 2 500-den astam is-sharany qamtıtyn úgit-nasıhat josparyn ázirlese, onyń 70 paıyzy ótkizildi. Elimiz boıynsha 305 bılbord ornalastyrylyp, eriktiler 200 myń plakat, paraqsha taratqan. Shtabtar saılaý kúni úshin senim bildirilgen adamdar men baqylaýshylardy daıarlaý boıynsha jumys júrgizip jatyr.
Úgit-nasıhat naýqany áleýmettik jelilerde de, BAQ-ta da belsendi jalǵasyp jatyr. «Aýyl» partııasynyń paraqshasynda saılaý aldyndaǵy úgitti ótkizý barysy týraly 343 jarııalanym shyqty. BAQ-ta 3 myńnan astam materıal, onyń ishinde kandıdattyń «Egemen Qazaqstan» jáne «Kazahstanskaıa pravda» respýblıkalyq gazetterine bergen suhbaty jaryq kórdi.
Jıgýlı Daırabaev bastaǵan top ókilderi oblys saılaýshylarymen kezdesýde agroónerkásiptiń óndiristik ortalyqtaryna baryp, olardyń qyzmetimen tanysty, sondaı-aq jumysshy ujymdarmen suhbattasty.
