Qazaqstan Respýblıkasy Úkimetiniń qaýlysy №472

2014 jylǵy 11 mamyr,   Astana, Úkimet Úıi Jeke kásipkerlik sýbektileri jumyskerleriniń jyldyq ortasha sanyn jáne jyldyq ortasha tabysyn esepteý qaǵıdalaryn bekitý týraly «Jeke kásipkerlik týraly» 2006 jylǵy 31 qańtardaǵy Qazaqstan Respýblıkasynyń Zańy 14-babynyń 23-2) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Jeke kásipkerlik sýbektileri jumyskerleriniń jyldyq ortasha sanyn jáne jyldyq ortasha tabysyn esepteý qaǵıdalary bekitilsin. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2014 jylǵy 11 mamyrdaǵy №472 qaýlysymen bekitilgen Jeke kásipkerlik sýbektileri jumyskerleriniń jyldyq ortasha sanyn jáne jyldyq ortasha tabysyn esepteý qaǵıdalary 1. Jalpy erejeler 1. Osy Jeke kásipkerlik sýbektileri jumyskerleriniń jyldyq ortasha sanyn jáne jyldyq ortasha tabysyn esepteý qaǵıdalary (budan ári – Qaǵıdalar) «Jeke kásipkerlik týraly» 2006 jylǵy 31 qańtardaǵy Qazaqstan Respýblıkasynyń Zańy (budan ári – Zań) 14-babynyń 23-2) tarmaqshasyna sáıkes ázirlendi jáne jeke kásipkerlik sýbektileri jumyskerleriniń jyldyq ortasha sanyn jáne jyldyq ortasha tabysyn esepteý tártibin aıqyndaıdy. 2. Jeke kásipkerlik sýbektileri jumyskerleriniń jyldyq ortasha sanyn jáne jyldyq ortasha tabysyn esepteý úshin Qazaqstan Respýblıkasy Qarjy mınıstrligi Salyq komıtetiniń derekter bazasynda qamtylǵan aqparat paıdalanylady. 3. Jyldyq ortasha san jáne jyldyq ortasha tabys avtomatty túrde Jeke kásipkerlik sýbektileriniń tizilimimen esepteledi. 2. Jeke kásipkerlik sýbektileri jumyskerleriniń jyldyq ortasha sanyn esepteý tártibi 4. Jeke kásipkerlik sýbektileri jumyskerleriniń jyldyq ortasha sanyn esepteý úshin Zańnyń 6-baby 7-tarmaǵyna sáıkes salyq eseptiliginde kórsetiletin jeke kásipkerlik sýbektileri jumyskerleriniń sany týraly derekter paıdalanylady. 5. Jeke kásipkerlik sýbektileri jumyskerleriniń jyldyq ortasha sany jumyskerlerdiń on eki aıdaǵy sanyn on ekige bólgendegi soma retinde esepteledi. 6. Jańadan qurylǵan jeke kásipkerlik sýbektileri úshin jumys isteýiniń birinshi jylynan bastap kelesi jyldyń 15 qarashasyna deıin jumyskerlerdiń jyldyq ortasha sanyn esepteý júrgizilmeıdi. Jeke kásipkerlik sýbektileri jumyskerleriniń jyldyq ortasha sanyn birinshi ret esepteý osy sýbektiler birinshi jyldyq salyq eseptiligin usynǵannan keıin júzege asyrylady. 3. Jeke kásipkerlik sýbektileriniń jyldyq ortasha tabysyn esepteý tártibi 7. Jyldyq ortasha tabys esebine jeke kásipkerlik sýbektileriniń salyq eseptiliginen mynadaı aqparat alynady: 1) jeke kásipkerlik sýbektileriniń jıyntyq jyldyq tabysy; 2) arnaýly salyq rejımderin qoldanatyn jeke kásipkerlik sýbektileriniń tabysy. Qyzmetin oıyn bıznesi salasynda júzege asyratyn, sharýa nemese fermer qojalyqtaryna arnalǵan arnaýly salyq rejımin qoldanatyn, tirkelgen salyqty jáne jer salyǵyn tóleýshiler bolyp tabylatyn jeke kásipkerlik sýbektileriniń jyldyq ortasha tabysy eseptelmeıdi. 8. «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasy Kodeksiniń 85-babynda kózdelgen jeke kásipkerlik sýbektileri tabystarynyń barlyq túrleri, sondaı-aq patent nemese ońaılatylǵan deklarasııa negizindegi arnaýly salyq rejımderin qoldanatyn jeke kásipkerlik sýbektileriniń tabystary jeke kásipkerlik sýbektileriniń jyldyq ortasha tabysyna kiredi. 9. Jeke kásipkerlik sýbektisiniń jyldyq ortasha tabysy sońǵy úsh jylǵy jıyntyq jyldyq tabysyn nemese arnaýly salyq rejımin qoldanatyn jeke kásipkerlik sýbektisiniń tabysyn úshke bólgendegi soma bolyp tabylady. 10. Jańadan qurylǵan jeke kásipkerlik sýbektileri úshin jumys isteýiniń birinshi jylynan bastap kelesi jyldyń 15 qarashasyna deıin jyldyq ortasha tabys eseptelmeıdi. Jyldyq ortasha tabysty birinshi ret esepteý osy sýbektiler birinshi jyldyq salyq eseptiligin usynǵannan keıin júzege asyrylady. Bul jaǵdaıda jyldyq ortasha tabys bir jylǵy jıyntyq jyldyq tabys nemese arnaýly salyq rejımin qoldanatyn jeke kásipkerlik sýbektisiniń tabysy bolyp tabylady. 11. Eki jyl boıynsha salyq eseptiligin tapsyrǵan jeke kásipkerlik sýbektisiniń jyldyq ortasha tabysy eki jylǵy jıyntyq jyldyq tabysty nemese arnaýly salyq rejımin qoldanatyn jeke kásipkerlik sýbektisiniń jyldyq tabysyn ekige bólgendegi soma bolyp tabylady. 12. Jumys istemeıtin, onyń ishinde Qazaqstan Respýblıkasynyń salyq zańnamasyna sáıkes salyq eseptiligin berýdi toqtata turǵan sýbektiler boıynsha jeke kásipkerlik sýbektileriniń jyldyq ortasha tabysyn esepteý osy Qaǵıdalardyń 9,10 jáne 11-tarmaqtaryna sáıkes júzege asyrylady.