«ArselorMıttal Temirtaý» shahtasynda metan jarylysy bolyp, adamdar qaza tapty. Aldyn ala qorytyndy 23 qarashada belgili bolady. Qazir arnaıy komıssııa jumys istep jatyr. 23 qarashada Qaraǵandyda BAQ ókilderin jınap, onyń qorytyndysyn jarııalaımyz», dedi mınıstr.
Eske sala keteıik, 3 qarashaǵa qaraǵan túni Qaraǵandy oblysyndaǵy «ArselorMıttal Temirtaý» shahtalarynyń birinde tótenshe jaǵdaı oryn aldy. Gaz drenajdyq uńǵymalardy burǵylaý kezinde kenetten gaz shyǵyp, sonyń saldarynan tórt jumysshy qaza tapty. Tańerteń besinshi jumysshynyń denesi tabyldy.
Oqıǵa saldarynan tórt kenshi metannan ýlanyp, aýrýhanaǵa jatqyzyldy. Eki kenshi Qaraǵandydaǵy Maqajanov atyndaǵy kópsalaly aýrýhananyń toksıkologııalyq bólimine jatqyzyldy. Ýlanǵannan bólek, ártúrli aýyrlyqtaǵy jaraqat alǵan taǵy eki adam Shahtınsk aýrýhanasynda jatyr.
