Eýrazııalyq ıntegrasııa bilim men ǵylymnyń damýyna jol ashady

ASTANA. 29 mamyr. Eýrazııalyq ıntegrasııa arqyly mádenı baılanystar nyǵaıyp, bilim men ǵylymdaǵy ozyq jetistikter ortaǵa salynady. Ońtústik Qazaqstan oblysy Túrkistan qalasyndaǵy Halyqaralyq qazaq-túrik ýnıversıtetiniń ustazdary men stýdentteri osyndaı pikirde. Bul týraly «24kz» habarlady. Ahmet Iаcsaýı atyndaǵy Halyqaralyq qazaq-túrik ýnıversıteti búginde elimizdiń irgeli oqý oryndarynyń birine aınalǵan. Munda qazir 10 myńnan astam stýdent bilim alýda. Olardyń ishinde elimizden bólek, Reseı Federasııasynyń Tatarstan, Bashqurtstan, Tyva, Hakasııa, Saha sekildi elderinen de jastar bar. Fızıka-matematıka ǵylymdarynyń doktory, professor Ýálıhan Ábdibekov: «Eýrazııalyq ıntegrasııa arqyly mádenı baılanystar da nyǵaıyp, bilim men ǵylymdaǵy ozyq jetistikter ortaǵa salynady», – dedi. A.Iаsaýı atyndaǵy HQTÝ jastar uıymynyń tóraǵasy Baǵlan Ermahanov: «Kez-kelgen elmen teń dárejeli baılanysqa túse alatynymyzdy kórsete alamyz. Integrasııanyń basty maqsaty – halyqtardyń áleýmetin jaqsartý, ekonomıkasyn kóterý. Sonyń arqasynda bilim-ǵylym salasy, basqa baǵyttar da óz deńgeıine kóteriledi degen senim bar», – dedi. Joldybaı Bazar. Derekkóz: «24kz». Foto: ontustyk.gov.kz.