Ońtústikqazaqstandyqtar Eýrazııalyq ekonomıkalyq odaqtan jaqsylyqtar kútedi

ASTANA. 29 mamyr. Ońtústik Qazaqstan oblysynda Eýrazııalyq ekonomıkalyq odaqty qurý jónindegi shartqa qol qoıylǵannan keıin kóptegen jobalar paıda bolady. Bul týraly «QazAqparat» habarlady. Qazir qoǵamymyzda Eýrazııalyq ekonomıkalyq odaq qurý týraly shart bekitilgennen keıin taýar óndirýshige qoıylatyn talaptar reglamentteledi, áriptes memleketter arasynda taýar aınalymy, óndiris kólemi artady degen mazmundaǵy pikirler aıtylýda. Máselen, Ońtústik Qazaqstan oblystyq kásipkerler palatasynyń dırektory Jeńisbek Dýlatov: «Eýrazııalyq ekonomıkalyq odaq aýqymynda birqatar jobalar júzege asyrylady. Máselen, bizdiń oblys úshin Máskeýde ońtústikqazaqstandyq kásipkerlerdiń qatysýymen logıstıkalyq ortalyq qurylysy bastalmaq. Qazir Reseıge jemis-jıdek, kókónis jáne et ónimderin jetkizý máselesi pysyqtalýda», – dedi. Jeńisbek Dýlatovtyń aıtýynsha, atalǵan odaqtyq qurylýy úsh eldiń tutyný naryǵyn qalyptastyrady. 170 mln. adamdyq naryq – bul bizdiń ulttyq naryqtan 10 ese kóp degen sóz. Taǵy bir kóretin paıdamyz – óndiriletin ónimderdiń sapasy, jańa tehnologııalar transferti, óndiristi jańartý jaqsarady», – dedi. Ońtústikqazaqstandyq kásipkerlerdiń pikirinshe, elimiz básekege qabiletti. Qazaqstan kásipkerleri jaqsy qorǵalǵan, ózderiniń máselelerin Úkimetke deıin jetkize alady. Joldybaı Bazar. Derekkóz: «QazAqparat». Foto: palata.kz.