«Úsh aýysymdy jáne tyǵyzdalǵan mektepterdiń sanyn azaıtý maqsatynda bıyl jalpy sany 22 750 oryndyq 11 mektep salý jobalary iske asyrylyp jatyr. Osy mektepterdiń ekeýi 1 qyrkúıekte paıdalanýǵa berildi, qalǵan toǵyzy osy oqý jylynda paıdalanýǵa beriledi. Budan basqa, 2022 jylǵy 28 qyrkúıekte QR Prezıdenti janyndaǵy Joǵary Keńestiń otyrysynda qabyldanǵan «Jaıly mektep» ulttyq jobasyn iske asyrý sheńberinde 2026 jylǵa deıin oqýshy oryndarynyń jetispeýshiligi máselesin sheshý maqsatynda birqatar jumystar júrgizilýde. «Jaıly mektep» jobasy boıynsha biryńǵaı operator bolyp «Samruk-Kazyna Construction» AQ taǵaıyndaldy», dedi Qasymhan Senǵazyev.
Onyń aıtýynsha, jobany iske asyrý bıýdjettik ınvestısııalar, memlekettik-jekeshelik áriptestik esebinen jáne daıyn ǵımarattardy satyp alý jolymen qarastyrylǵan.
Basqarma basshysynyń aıtýynsha, 2025 jylǵa deıin joba aıasynda jalpy syıymdylyǵy 90 myń oqýshy ornyn quraıtyn, eki aýysymda oqıtyn mektepter salý josparlanǵan. Bul rette, Astana qalasynyń Esil aýdanynda 16 mektep, Almaty aýdanynda - 5 mektep, Baıqońyr aýdanynda - 1 mektep, Saryarqa aýdanynda - 2 mektep salynady. Bul mektepterdiń qurylysy 2023 jyly bastalyp, 2024-2025 jyldary paıdalanýǵa beriledi.
