Kezdesý barysynda jınalǵan jurtqa óziniń saılaýaldy baǵdarlamasyn tanystyrǵan kandıdat qoǵamdaǵy ózekti suraqtar men týrızm salasyn damytý máselelerine de toqtaldy.
Q.Ábden atap ótkendeı, tarıhı-mádenı eskertkishter men mádenı mura nysandary kóp shoǵyrlanǵan Túrkistan shaharynyń týrızmdi damytýda áleýeti zor.
«Túrkistan – barsha túrki halyqtaryna ortaq, álemge áıgili qasıetti jer. Ejelden-aq «ekinshi Mekke» dep atanyp ketken qazaqtyń rýhanı astanasy kóptegen saıahatshylardyń qyzyǵýshylyǵyna ıe bolyp otyr. Túrkistannyń tarıhı mańyzyn jáne osy óńirde shoǵyrlanǵan kıeli jerlerdiń kóp ekenin eskere kele, alkogoldi ishimdikterdi satýdan bas tartqan alǵashqy qalalardyń biri atanýyna barlyq múmkindik bar», dedi Q.Ábden.
Kezdesýge sondaı-aq óńirlik týrızm salasynyń ókilderi qatysyp, bul baǵyttyń ózekti suraqtaryn ortaǵa saldy.
«Bizge shetelden kóp týrıster keledi, biraq ishki týrızm naryǵyn da damytý kerek. Aımaqtyń ınfraqurylymyn da nazardan tys qaldyrmaǵan jón», dedi týrıstik kompanııanyń ókili Móldir Málibekova.
