Eýrazııalyq ekonomıkalyq odaqtyń qazir qurylýyna ne sebep?

ASTANA. 29 mamyr. Eýrazııalyq ekonomıkalyq odaq nege dál qazir qurylyp jatyr? Atalmysh suraqqa «Nur Otan» partııasy tóraǵasynyń birinshi orynbasary Baýyrjan Baıbek L.N.Gýmılev atyndaǵy Eýrazııa Ulttyq ýnıversıtetiniń qabyrǵasynda ótken professorlyq-oqytýshylyq qurammen jáne stýdenttermen kezdesýi barysynda jaýap berdi. Osyny habarlaǵan BNews.kz tilshisi partııa tóraǵasy orynbasarynyń sózderinen birshama dáıekteme keltiredi. «Eýrazııalyq yqpaldastyq ıdeıasyn tuńǵysh ret 1994 jyly memleket basshysy Nursultan Nazarbaev aıtqan bolatyn. Elbasynyń strategııalyq bastamasy 20 jyl boıy kezeń-kezeńmen, 2000 jyly Eýrazııalyq ekonomıkalyq qaýymdastyq, 2010 jyly Kedendik odaq jáne 2012 jyly – Biryńǵaı ekonomıkalyu keńistik qurý jolymen júzege asyrylyp keledi. Búgingi tańda eýrazııalyq yqpaldasý jańa mejeniń – EAEO qurýdyń aldynda tur», - dedi B.Baıbek. «Biryńǵaı ekonomıkalyq keńistik teń dárejedegi básekelestik úshin alǵyshart jasady. Tutynýshylyq suranys arttyp, óndiris ósimi yntalandyryldy. Máselen, Keden odaǵyna múshe elderdiń barlyǵy Búkilálemdik banktiń bıznesti júrgizý jaǵdaıyna baılanysty reıtinginde eleýli kóterildi. 2011-2014 jyl aralyǵynda Qazaqstan 9 satyǵa kóterildi. Bul tusta Qazaqstannyń muhıtqa shyǵa almaıtyndyǵyn eskergen jón. Ishkimaterıktik memleket bolsaq ta, bizde alǵa jyljý bar. Muhıtqa shyǵa almaıtyndyqtan biz básekelestikke qabilettiliktiń birneshe pozısııasy boıynsha tómen túsemiz», - degen qorytyndy jasady partııa jetekshileriniń biri. Murat Aıtqoja. Derekkóz: BNews.kz. Foto: agencyrating.kz.