Reseılik mamannyń sáýir aıynda ǵana bas komandanyń tizginin ustap, sanaýly aıdyń ishinde Qazaqstan quramasyn tolaıym tabysqa jetkizgenin jankúıer jurt jaqsy biledi. Sondyqtan da QFF basshylyǵy tájirıbeli mamannan ońaı aıyrylǵysy kelmeı, Adıevpen kelisimshartyn taǵy eki jylǵa uzartty. Jyl basynda qalt-qult etip Ulttar lıgasynyń «S» dıvızıonyndaǵy ornyn áreń saqtap qalǵan Qazaqstan quramasyn ol tórt aıdyń ishinde «V» lıgasyna alyp shyqty.
Atalǵan týrnırde Qazaqstan ulttyq quramasy alty oıyn ótkizip, sonyń tórteýinde jeńiske jetti. Bir oıynda qarsylastarymen teń tússe, taǵy bir matchta jeńilip qaldy. Toptyq kezeńniń alty matchynda jerlesterimiz qarsylastary qaqpasyna segiz gol soǵyp, óz qaqpasyna alty gol ótkizip alǵan.
Aıta keteıik, Magomed Adıev basshylyǵyndaǵy Qazaqstan quramasy búgin Tashkentte О́zbekstanmen, 19 qarashada Birikken Arab Ámirlikterimen joldastyq match ótkizedi.
