Foto: agencyrating.kz
Suhbatty BNews.kz tilshisi aldy «Eýrazııalyq ekonomıkalyq odaq aıasynda kórshi eldermen birlesip, óndiris oryndaryn ashý tıimdi bolaıyn dep tur. Sonymen qatar otandyq taýarlardy syrtqy naryqqa erkin shyǵarýǵa da jol ashylady. Qazaqstan bolashaqta Búkilálemdik saýda uıymyna múshe bolýdy josparlaýda. Al ol úshin Eýrazııalyq ekonomıkalyq aımaq aıasynda otandyq bıznes básekelestikke tótep berýge tájirbıe jınaqtaıdy», - deıdi Nurlybek Muqanov.
Oblystyq kásipkerler palatasy dırektorynyń orynbasarynyń aıtýynsha, jańa odaqtyń ıgiligin halyq ta kóretin bolady. Al qazirgi tańda tek shıkizat eksporty arqyly negizgi ekonomıkany ustap otyrǵan elimiz úshin otandyq óndiristi qarqyndy damytýǵa múmkindik týady. «Qazirgi tańda Qazaqstan, Reseı men Belorýssııa birikken Keden odaǵymen salystyrǵanda, Eýrazııalyq ekonomıkalyq odaqtyń ekonomıkalyq ıntegrasııalyq áleýetiniń kólemi anaǵurlym keń bolady. Qazaqstandyq óndirýshiler úshin odaqtas eki eldegi áriptesterpimen qatar Reseı men Belorýssııadaǵy naryqta bir deńgeıde jumys isteıdi.Taýarlarynyń qaýipsizdigi de, qyzmeti men sapasy da jaqsara túsedi», - dedi N. Muqanov.
Murat Aıtqoja.
Derekkóz: BNews.kz.
