Eýrazııalyq ıntegrasııa sheńberinde ónerkásiptik kooperasııalar da damıdy

ASTANA. 29 mamyr. Biz ekono­mıkalyq odaq aıasynda óner­ká­siptik kooperasııalardy da damyta beretin bolamyz. Aldaǵy ýaqytta elimizdiń iri birles­ken óndirister qurýyna jáne ón­diristik-kooperasııalyq tiz­bekti damytýyna jaǵdaı jasalady. Úkimet basshysynyń birinshi orynbasary Baqytjan Saǵyntaev osylaı dedi. Bul týraly egemen.kz tilshisi habarlady. Baqytjan Saǵyntaevtyń aıtýynsha, bolashaqta Eýrazııalyq ekonomıkalyq odaq bizdiń iri kásiporyndarymyzǵa halyq­aralyq naryqta álemdik óndi­ris­shilermen básekege túsýge múmkin­dikter beredi. Sondaı-aq, ol: «Qazaqstannyń 2016 jylǵa qaraı halyqaralyq qaǵıdattarǵa negizdelgen aýyl sharýashylyǵyna memlekettik qoldaý kórsetý esebiniń jańa ádis­temesin ázirleý týraly ýaǵda­lastyqqa qol jetkizgenin de atap ótpekpin. Qazaqstan negizgi ótkizý naryǵynan shalǵaı jatqan jáne teńiz porttaryna tikeleı shyǵa almaıtyn el bolyp taby­lady. Osyǵan oraı qazaqstandyq eksport­taý­shylardyń áriptes elderdiń kólik ınfra­qurylym­daryna qoljetimdiligine jol ashý biz úshin óte mańyzdy», – dedi. Budan bólek, Úkimet basshysynyń birinshi orynbasary Eýrazııalyq ekonomıkalyq odaq kóliktik shyǵyndardy qysqartýǵa, soǵan sáıkes qazaq­standyq ónimderdiń úshinshi elder naryǵyndaǵy básekege qabi­let­tiligin arttyrýǵa jaǵdaı jasaıtynyn jetkizdi. Joldybaı Bazar. Derekkóz: egemen.kz. Foto: nurotan.kz.