«Progressıvti eldiń taǵy bir mańyzdy belgisi - áıeldiń qoǵamdaǵy mártebesi. Sondyqtan biz áıelderdiń quqyqtaryn qorǵaýǵa erekshe nazar aýdarýymyz kerek. Sońǵy jyldary biz bul máselede aıtarlyqtaı jetistikterge jettik. Otbasylyq-turmystyq zorlyq-zombylyq úshin jaýapkershilikti kúsheıtý jáne eńbek kemsitýshiligin joıý úshin keshendi sharalar qabyldandy.
Ana men bala tárbıesi úshin jaǵdaı jaqsardy. Memleket júıeli deńgeıde áıelderdiń saıasatqa, memlekettik basqarýǵa, bızneske qatysý múmkindikterin keńeıtedi. Jahandyq reıtıngterge sáıkes, genderlik teńdik boıynsha Qazaqstan Sıngapýrmen, Ońtústik Koreıamen, Japonııamen, Birikken Arab Ámirlikterimen qatar Azııanyń jetekshi elderiniń qataryna turaqty kiredi», dedi Memleket basshysy.
Osy oraıda ol bizdiń tarıhymyzda áıelder árqashan mańyzdy ról atqarǵanyn jáne qoǵamda erekshe oryn alatynyn sóz etti.
«Uly dalanyń qyzdary halqymyzdyń mádenı dástúrleri men rýhanı-adamgershilik qundylyqtarynyń senimdi saqtaýshylary boldy. Sondyqtan progress pen jasampazdyq jolynda turaqty túrde alǵa jyljyp, biz áıelderdiń quqyqtaryn shekteıtin mentalıtetimizge jat tendensııalarǵa berilmeýimiz kerek», dedi Prezıdent.
