Igor Shývalov: «Eýrazııalyq ekonomıkalyq odaq apparatynda qazaqstandyq áriptesterimiz laıyqty orynǵa ıe»

ASTANA. 29 mamyr. Qosymshalarymen eseptegende Eýrazııalyq ekonomıkalyq odaqty qurý týraly kelisim-sharttyń kólemi 1000 betke jýyqtaıdy. Atalǵan qujat áriptes elderdiń parlamentterinde ratıfıka­sııa­lanýy tıis. Reseı Federasııasy Úkimeti basshysynyń birinshi orynbasary Igor Shývalov osylaı dedi. Bul týraly egemen.kz tilshisi habarlady. Igor Shývalov: «Eýrazııalyq ekonomıkalyq komıssııany Eýrazııalyq ekonomıkalyq odaqtyń naqty is júrgizetin organy retinde nyǵaıtý jóninde birlesken jumysty jalǵastyrýǵa tıispiz. Qazaqstan tarapynyń Ko­mıssııa apparatyndaǵy «óz pozı­sııalaryn kúsheıtýge» umty­lysyna óte qyzyǵa qaraı­myn. Keıde bul jóninde biz Baqytjan Sa­ǵyntaevpen aıtysyp ta qalamyz, biraq qaǵıdatty túrde alǵanda qazaqstandyq áriptesterimizdiń odaq apparatynda laıyqty oryn­dardy barynsha kóbirek ıem­denýge degen umtylysy meni qýantady», – dedi. Budan bólek, ol aǵym­daǵy sheshimderdiń kópshiligi qabyldanatyn Keńestiń májilis­teri júıeli túrde ótkizilip turýy tıis ekenin de atap ótti. Joldybaı Bazar. Derekkóz: egemen.kz Foto: eurasioncommission.org.