Olga Perepechına óz sózinde Rýmynııa Qazaqstannyń mańyzdy áriptesi ekenin aıta kelip, Astana men Býharest arasyndaǵy ózara tıimdi qarym-qatynastardy nyǵaıtýǵa Memleket basshysy Qasym-Jomart Toqaev erekshe nazar aýdaryp kele jatqanyn atap ótti.
«Bizdiń elderimizdiń ózara tıimdi yntymaqtastyq jónindegi kún tártibin Parlamentterdiń baılanysy boıynsha da qoldaý jáne ilgeriletý qajet dep sanaımyz. Senat pen Májiliste Rýmynııamen yntymaqtastyq jónindegi toptar jumys istep keledi. Biz sondaı-aq halyqaralyq parlamenttik alańdarda, EQYU Parlamenttik Assambleıasy, Eýropa Keńesiniń Parlamenttik Assambleıasy jáne Parlamentaralyq Odaq aıasynda birge rýmyndyq áriptestermen jumys baılanystaryn ornatýǵa múddelimiz», dep atap ótti Tóraǵa orynbasary.
Olga Perepechına sonymen qatar aýqymdy ishki saıası ózgerister aıasynda ótkeli jatqan Qazaqstan Respýblıkasy Prezıdentiniń aldaǵy saılaýy týraly meımanǵa aıtyp berdi.
Iýlıan Fota óz kezeginde Rýmynııa Qazaqstanmen yntymaqtastyqty joǵary baǵalaıtynyn, sondaı-aq ekijaqty qarym-qatynastardy nyǵaıtýǵa belsendi yqpal etýge daıyn ekenin atap ótti.
