OSK múshesi Konstantın Petrov oblystardyń, respýblıkalyq mańyzy bar qalalardyń jáne elordanyń komıssııalary keltirgen derekterdi usyndy. Saǵat 22:05-tegi jaǵdaı boıynsha barlyǵy 8 mln 299 myń 501 adam konstıtýsııalyq quqyqtaryn paıdalanyp, daýys berip úlgerdi. Jalpy, Qazaqstan boıynsha bıýlletenge ıe azamattardyń 69,43 paıyzy óz tańdaýyn jasady.
Tómende óńirler boıynsha daýys berýshiler kórsetkishi kórsetilgen:
- Abaı oblysy boıynsha – 80,18%
- Aqmola oblysy boıynsha – 78,87%
- Aqtóbe oblysy boıynsha – 72,81%
- Almaty oblysy boıynsha – 72,10%
- Atyraý oblysy boıynsha – 70,87%
- Batys Qazaqstan oblysy boıynsha – 98,97%
- Jambyl oblysy boıynsha – 79,87%
- Jetisý oblysy boıynsha – 81,42%
- Qaraǵandy oblysy boıynsha – 78,39%
- Qostanaı oblysy boıynsha – 79,28%
- Qyzylorda oblysy boıynsha – 81,07%
- Mańǵystaý oblysy boıynsha – 66,99%
- Pavlodar oblysy boıynsha – 77,58%
- Soltústik Qazaqstan oblysy boıynsha – 79,01%
- Túrkistan oblysy boıynsha – 80,37%
- Ulytaý oblysy boıynsha – 78,48%
- Shyǵys Qazaqstan oblysy boıynsha – 79,49%
- Astana qalasy boıynsha – 48,60%
- Almaty qalasy boıynsha – 28,72%
- Shymkent qalasy boıynsha – 59,79%
Jańartylǵan derekterge qaraǵanda, Batys Qazaqstan oblysynyń saılaýshylary joǵary belsendilik tanytty.
Respýblıka aýmaǵyndaǵy saǵat beldeýleriniń shekaralaryna sáıkes bes óńirde, atap aıtqanda Aqtóbe, Atyraý, Batys Qazaqstan, Qyzylorda jáne Mańǵystaý oblystarynda daýys berý elorda ýaqyty boıynsha saǵat 21:00-de aıaqtaldy.
OSK múshesi habarlaǵandaı, saılaýdyń korytyndy derekteri erteń jarııalanady.
Eske sala ketsek, búgin Qazaqstanda kezekten tys prezıdent saılaýy ótti.
Shet memleketterde saılaý ýchaskeleri áli de ashyq.
Qazaqstandaǵy saılaý ýchaskeleri 07:00-de ashylyp, jumysyn 20:00-de aıaqtady.
