Solardyń qatarynda bizdiń Elena Rybakına da bar. 23 jastaǵy jerlesimiz úshin bıylǵy maýsym sátti boldy dep aıtýǵa tolyq negiz bar. Ol birqatar asa iri halyqaralyq týrnırde jaqsy óner kórsetti. Al onyń eń úzdik nátıjesi, árıne, Londonda ótken Ýımbldon dodasynda bas júldeni oljalaýy. Desek te joǵarydaǵy ataqtan basty úmitker Iga Shventek ekeni sózsiz. Álemdik reıtıngte kósh bastap turǵan 21 jastaǵy Polshanyń maqtanyshy bıyl Rolan Garrosta top jaryp, WTA-nyń alty birdeı jarysynda aldyna jan salmady.
Sondaı-aq úmitkerler qatarynda US Open men Ýımbldonnyń fınalısi Madrıd pen Berlındegi dodalardyń jeńimpazy, álemniń ekinshi raketkasy, mysyrlyq Ons Jaber, WTA tiziminde úshinshi oryndy ıelenip otyrǵan Djessıka Pegýla jáne úzdikter reıtınginde jetinshi satyǵa jaıǵasqan Korı Gaýff bar. Olardyń ekeýi de AQSh-tan.
