Oqıǵa ornynan ekskavator, sý aıdaýǵa arnalǵan qubyrlar men shlangtar, bir bóshke janarmaı jáne 83 qap altyn keni tárkilendi.
Odan ári jedel-izdestirý is-sharalary barysynda polıseıler osy qylmysty uıymdastyrýǵa qatysy bar kúdiktilerdi – eki jol talǵamaıtyn kólikpen júrgen 23 jáne 34 jastaǵy eki er adamdy ustady.
«Birinshi kólikti tekserý barysynda bes patrondary bar tapansha tabylyp, tárkilendi. Saraptama qorytyndysyna sáıkes, tapansha atýǵa jaramdy. Ekinshi kólikten polıseıler úsh patronmen birge travmatıkalyq tapansha tapty. Saraptama qorytyndysy boıynsha qarý atýǵa jaramdy», dep jazylǵan IIM taratqan habarlamada.
Atalǵan jaǵdaıǵa baılanysty QR QK-niń 334-baby (Jer qoınaýyn óz betinshe paıdalaný) jáne QR QK-niń 287-baby (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) boıynsha sotqa deıingi tergeý amaldary júrgizilýde.
