О́zbekstan Prezıdenti joldaǵan jedelhatta 30 jyldyq seriktestiktiń mańyzy jóninde jazylǵan. Shavkat Mırzııoev qos el arasyndaǵy dostyq baılanys nyǵaıa túskenine nazar aýdarǵan.
«Sońǵy jyldary bizdiń baılanysymyz ózara senim men qoldaý, zor qurmet jáne tatý kórshilik qarym-qatynas, sondaı-aq strategııalyq seriktestik pen odaqtastyq qaǵıdattaryna saı qarqyndy damyp keledi. Joǵary deńgeıdegi ashyq, konstrýktıvti ári belsendi dıalog, sondaı-aq memleketaralyq jáne úkimetaralyq qarym-qatynastardy retteıtin tıimdi praktıkalyq mehanızmder bizdiń ózara yntymaqtastyǵymyzdy nyǵaıtýǵa berik negiz bolatynyn atap ótkim keledi», delingen quttyqtaý jedelhatynda.
Sonymen qatar О́zbekstan Prezıdenti Shavkat Mırzııoev 21-23 qarasha kúnderi ótip jatqan О́zbekstannyń Qazaqstandaǵy mádenıet kúnderi tarıhy ortaq baýyrlas halyqtardyń dostyq baılanysyn kúsheıte túsetinin aıta kelip, birlesken sharalar eki eldiń kópjaqty qarym-qatynasyn jańa deńgeıge kóteretinine senim bildirdi.
