Bul jańalyqty Lýkas óziniń Instagramynda jarııalady. «Men ózimniń týǵan jerim – Qazaqstanymda, súıikti qalam – Almatyda UBO nusqasy boıynsha álem chempıony ataǵy úshin talasamyn. Osy sátti uzaq kútken edim. Sol josparymdy Qazaqstanda júzege asyrýyma tamasha múmkindik týyp otyr. Sol úshin de men qýanyshtymyn. Sizderdiń qoldaýlaryńyzdyń arqasynda men áli talaı bıikterdi baǵyndyra alamyn dep oılaımyn. 11 jeltoqsanda «Almaty Arenaǵa» kelińizder. Sol jerde men ádemi, sapaly, tehnıkalyq turǵydan ábden jetilgen naǵyz qazaq boksyn kórsetýge barynsha kúsh salamyn», deıdi Angelına.
Qara qurlyq ókiliniń jasy 32-de. Ol 2016 jyldan beri kásipqoı rıngte baq synap júr. Sol aralyqta 19 kezdesý ótkizip, segiz ret jeńiske jetti. Segiz ret utylyp, taǵy úsh básekede teń esep tirkeldi.
