Qoıylatyn jalǵyz shart – kólik 2022 jyldyń 1 qyrkúıegine deıin elge kelgen bolýy kerek. Qazaqstan Prezıdenti óz Joldaýynda qazaqstandyqtarǵa óz kólikterin zańdastyrý quqyǵyn berý týraly dál osy kúni tapsyrma bergen edi. Búgin Senat tıisti zań qabyldap, ony Memleket basshysyna qol qoıýǵa jiberdi.
Atalǵan zańda kásipkerlerdiń salyq júktemesin azaıtý máselesi de qozǵalǵan. Máselen, eger qazir shaǵyn jáne shaǵyn bıznes eńbekaqy tóleý qorynyń 34,5%-yn tóleýi tıis bolsa, kelesi jyldan bastap olar biryńǵaı tólemdi óz erkimen tóleı alady. Bul is júzinde 2 ese az, ıaǵnı 20% bolady, biraq 2028 jylǵa qaraı 26,3%-ǵa deıin birtindep ósedi.
Aıta ketsek, zańdaǵy birqatar túzetýler azyq-túlik taýarlarynyń baǵasyna da oń áser etýi kerek. Mysaly, qant, kondıterlik ónimder men ashytqy óndirýshiler úshin qosylǵan qun salyǵynyń somasy 70%-ǵa azaıady, al qant shıkizatyn ımporttaýshylar QQS tóleýden tolyǵymen bosatylady. Sondaı-aq, balyq óńdeýmen aınalysatyn kásipkerlerge QQS tólemi 70%-ǵa tómendeıdi.
«Qabyldanǵan zań ınvestısııa tartýǵa jáne bıznes-ortany damytýǵa qosymsha quqyqtyq jaǵdaı qalyptastyrady. Atap aıtqanda, jekelegen salalarda qosylǵan qun salyǵy boıynsha jeńildikter berý arqyly óndiristi yntalandyrý kózdelip otyr. Jańa normalar eńbekaqy qoryna júktemeni azaıtýǵa múmkindik beredi. Bul – Memleket basshysynyń tapsyrmasyn iske asyrýǵa arnalǵan shara. Aldaǵy ýaqytta osy zań halyqqa jáne bızneske kórsetiletin qyzmetterdiń sapasy men deńgeıin kóterýge múmkindik beredi dep senemiz», dep atap ótti Máýlen Áshimbaev.
