Saıasat • 24 Qarasha, 2022

Qazaqstan delegasııasy BUU О́rkenıetter Alıansynyń forýmyna qatysty

20 ret kórsetildi

Syrtqy ister mınıstriniń birinshi orynbasary Qaırat Omarov pen «Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń» basqarma tóraǵasy Bolat Sársembaev bastaǵan Qazaqstan delegasııasy BUU О́rkenıetter Alıansynyń 9-shy jahandyq forýmyna qatysty, dep habarlaıdy Egemen.kz SIM baspasóz qyzmetine silteme jasap.

Forým BUU Bas hatshysy Antonıo Gýterrıshtiń tóraǵalyǵymen ótip, oǵan Eýropa, Taıaý Shyǵys jáne Afrıka elderiniń syrtqy saıası vedomstvolarynyń basshylary da qatysty. Is-sharaǵa álemniń 95 elinen 1000-nan astam delegat, onyń ishinde 44 delegasııa mınıstrler deńgeıinde qatysty.

О́rkenıetter Alıansynyń Dostar tobynyń mınıstrlik kezdesýinde sóılegen sózinde Q.Omarov Qazaqstannyń tolerantty qoǵam qurýdaǵy baı tájirıbesin, sondaı-aq elimizdegi konfessııaaralyq dıalogtyń biregeı úlgisin atap ótti.

Qazaqstannyń bastamasy bolyp tabylatyn Álemdik jáne dástúrli dinder lıderleriniń sezi, sondaı-aq bıyl qyrkúıekte ótken VII sezdiń qorytyndylaryna erekshe nazar aýdaryldy.

Atap aıtqanda, qazaqstandyq dıplomat halyqaralyq qoǵamdastyqtyń dinaralyq, mádenıetaralyq jáne órkenıetaralyq dıalogty ilgeriletý jónindegi birlesken kúsh-jigeriniń mańyzdylyǵyn atap ótti.

Forým jumysy sheńberinde Q.Omarov BUU Bas hatshysynyń О́rkenıetter Alıansy jónindegi Joǵary ókili Mıgel Moratınos, Marokko Koroldiginiń Syrtqy ister mınıstri Naser Býrıta, Pákistan Islam Respýblıkasynyń Syrtqy ister jónindegi memlekettik mınıstri Hına Khar men Musylman aqsaqaldar keńesiniń Bas hatshysy Muhamed Abdelsalammen ekijaqty kezdesýler ótkizdi.

Atalǵan kezdesýler barysynda taraptar ekijaqty jáne kópjaqty formattaǵy máselelerdiń keń aýqymyn talqylady. Sheteldik áriptester Qazaqstan halqyn ótken prezıdenttik saılaýmen quttyqtap, qazaqstandyqtardyń bolashaqta damý men turaqtylyqqa daýys bergenin atap ótti.

Sońǵy jańalyqtar

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Almaty mańynda jer silkindi

Aımaqtar • Keshe

Uqsas jańalyqtar