Sport • 27 Qarasha, 2022

Ronaldý rekordy, Maksımovıch jáne alańdaǵy 12 oıynshy...

35 ret kórsetildi

О́tken jumada fýtboldan Qatarda ótip jatqan álem chempıonatynyń toptyq týrnıriniń ekinshi týry bastaldy. Osy oraıda «alǵashqy kezeń nesimen este qaldy?» degen saýaldyń týyndaýy zańdy. Bul týrda 16 kezdesý ótip, 41 gol soǵyldy. V jáne E toptarynda óner kórsetetin oıynshylar 10 retten nysanany dál kózdedi. Eń kóp gol Anglııa men Iran (6:2) jáne Ispanııa men Kosta-Rıka (7:0) arasyndaǵy matchtarda soǵyldy. Al F tobyndaǵy oıyndarda ondaı sátter tym az boldy. Bul básekelerde Belgııa Kanadany 1:0 esebimen utsa, Marokko men Horvatııa matchynda esep ashylǵan joq.

16 kezdesýde birde-bir fýtbolshy oıynnan qýylǵan joq. Dál sondaı jaǵdaı 1986 jyly Meksıkadaǵy álem chempıonatynda da bolǵan. Biraq osydan 36 jyl buryn uıymdastyrylǵan mýndıalǵa nebári 24 komanda qatys­qandyqtan birinshi týrda nebári 12 oıyn ǵana ótkizilgenin aıta ketken abzal.

Portýgalııanyń juldyzy Krısh­tıaný Ronaldý Gana quramasyna qarsy matchtyń 65 mınýtynda 11 metrlik núkteden nysanany dál kóz­­dedi. Sóıtip, ózi qatysqan bes álem­dik dodanyń barlyǵynda gol soqqan tuńǵysh jáne ázirge jalǵyz fýtbol­shy retinde onyń esimi tarıhta qaldy. Sondaı-aq ol Argentınanyń maqtanyshy Lıonel Messımen birge qatarynan besinshi márte tórtkúl dúnıe­niń teńdessiz teńbil dop sheberleri jınalǵan jarysqa qatysýda. Olarǵa deıin meksıkalyq Antonıo Karbahal men Rafael Markes jáne germanııalyq Lotar Matteýs dál sondaı qurmetke bólengen edi.

Ýrýgvaı men Ońtústik Koreıa quramalary arasyndaǵy báseke 98 mınýtqa sozyldy. Sol aralyqta eki komanda bir-biriniń qaqpasyna bir ǵana dál soqqy baǵyttaı aldy. Onyń ózin koreıalyq qaqpashy keri qaıtardy. Dál osyndaı jaǵdaı 1986 jyly Meksıkadaǵy mýndıalda Shotlandııa men Danııa komandalary arasyndaǵy básekede oryn alǵan edi.

Polsha álem chempıonattarynda qatarynan úsh penaltıdi qaq­paǵa engize almaǵan jer jahandaǵy jalǵyz komanda. 1978 jylǵy jarysta Kazemıj Deın dopty qısyq tepse, 2002 jyly Maseı Jýravskı bilgeninen jańyldy. Al kúni keshe ǵana Meksıkaǵa qarsy matchtyń 57-mınýtynda polıaktardyń eń úzdik oıynshysy Robert Levandovskı 11 metrlik núkteden múlt ketti.

Brazılııaǵa qarsy básekeniń 73-mınýtynda Serbııa quramasy sapynda oıynshylar almasty. Shabýylshy Aleksandar Mıtrovıchtiń ornyna Nemanıa Maksımovıch shyqty. Qatardaǵy dúbirli dop dodasynda ózimizge tanys beıneni kórip, kádim­gideı qýanyp qaldyq. О́ıtkeni 27 jastaǵy jartylaı qorǵaýshy 2015-2017 jyldar aralyǵynda Qazaqstan Premer-lıgasynda óner kórsetip, «Astananyń» namysyn qorǵady. Sol kezde Maksımovıch Ispanııanyń ataqty «Valensııa» klýby bapkerleriniń nazaryna ilikken edi. Sodan beri ol Pıreneı túbeginde oınap júr.

Ekinshi týrdaǵy Anglııa men AQSh arasyndaǵy match 0:0 esebimen aıaqtaldy. Oǵan deıin Danııa men Týnıs, Meksıka men Polsha, Marokko men Horvatııa jáne Ýrýgvaı men Horvatııa arasyndaǵy kezdesýlerde kórermender qaqpaǵa soǵylǵan birde-bir goldy kóre almaǵan edi. Osylaısha, «qurǵaq oıyndar» boıynsha jýyq arada rekordtyń jańaratyny anyq. Eger HHI ǵasyrda ótken álem chempıonattary nátıjelerine zer salsaq, 2010 jylǵy jarystyń toptyq týrnırinde 0:0 esebi alty márte tirkelgen eken. 2006 jáne 2014 jyldary olardyń sany beseý boldy. 2002 jyly eki jáne 2018 jyly bir márte ǵana sondaı kórinisterdiń kýási boldyq.

Saýd Arabııasy Argentına quramasyn 2:1 esebimen utyp, osy jarystyń alǵashqy sensasııasyn tirkegen edi. О́z otandastarynyń jar­qyn jeńisine erekshe shattanǵan atalǵan memlekettiń murager hanzadasy Muhammed ben Salman ár oıynshyǵa Rolls Roısty syıǵa tartty. Bul kólikterdiń árqaısysynyń quny – 460-550 myń AQSh dollary shamasynda. Al keıbir málimetterge sensek, ataǵy alysqa jaıylǵan argentınalyqtardy jeńgeni úshin ár fýtbolshyǵa 2,5 mıllıon eýrodan syıaqy berildi.

Fransııa men Aýstralııa ara­syndaǵy kezdeýde tóreshiler tarapynan óreskel qatelik ketti. 73-mınýtta tórtinshi qazy Salım Mýkansang jasyl qurlyqtan kelgen komandanyń eki oıynshysy – Garang Kýol men Aver Mabıldyń jasyl alańǵa shy­ǵýyna ruqsat berdi. Al oıynnan tek Raılı Makgrı ǵana ketti. Sonda aýs­­tralııalyqtardyń sapynda 12 oıyn­shy bolǵan. Tek arada birer sekýnd ótkennen soń bas tóreshi oıyn­dy toqtatyp, Kreıg Gýdvındi alań­nan shyǵardy. Sóıtip, olar óz qatelikterin túzegendeı boldy. Biraq álem chempıonaty sekildi deńgeıi asa joǵary jarysta ondaı olqylyqtar jiberilmeýge tıis. Qazirgi kezde osy oqıǵa jaıynda barlyq BAQ ókilderi jarysa jazyp jatyr.

Sońǵy jańalyqtar

Jańa baǵyt

Saıasat • Keshe

О́rt: qaýip pen saqtyq

Tótenshe jaǵdaı • Keshe

Jańa kólikter tabystaldy

Aımaqtar • Keshe

Qobyz ulyqtalǵan kesh

Qoǵam • Keshe

Esirtkige esirgender

Qoǵam • Keshe

El qorǵany er Bógenbaı

Tarıh • Keshe

Ultqa qyzmet etýdiń úlgisi

Ádebıet • Keshe

Tulǵa týraly týyndy

Ádebıet • Keshe

Jolbarys jymy

Ádebıet • Keshe

Jıyrmasynda jalyn keshken

Poezııa • Keshe

El senimin jalǵaǵan joba

Ekologııa • Keshe

Jelaıaqtar Astanada jınalady

Jeńil atletıka • Keshe

Jádiger bolyp jetken alǵys

Jádiger • Keshe

Jánibekti jekpe-jekke shaqyrdy

Kásipqoı boks • Keshe

Otpan taýdaǵy salbýryn

Qoǵam • Keshe

Uqsas jańalyqtar