Jaman aýrýdy emdeýdiń jańa joly radıojıilik ablıasııasy arqyly qaterli jáne qatersiz isikterdi emdeý ádisi bólimshesiniń ashylýyna oraı uıymdastyrylǵan. Bul – medısına salasynda qazirgi zamannyń az ınvazıvti jáne tıimdi amaly. Dárigerler ıntervensııalyq emdeý ádisterin engizýdiń jaqsy nátıjelerin eskere otyryp, «Dıagnostıka men emdeýdiń rentgenhırýrgııalyq ádisteri» bólimshesin ashý týraly sheshim qabyldaǵan. Osy rette satyp alynǵan generator apparaty teri astyndaǵy hırýrgııalyq prosedýralarda, laparoskopııalyq ıntraoperasııalyq koagýlıasııada jáne tinderdiń ablıasııasynda qoldanylady.
«Generatordy satyp alǵannan keıin klınıkada parenhımalyq organdarǵa: baýyrǵa, ókpege, búırekke, sút bezine, búırek ústi bezine, qalqansha bezge qaterli jáne qatersiz isikterge hırýrgııalyq aralasýdyń jańa túrlerin júrgizý múmkindigi paıda boldy. Sonymen qatar jumys istemeıtin súıek isikteriniń ishinara nemese tolyq ablıasııasy jasalady. Iаkı, qatersiz kishi túrlerin qosa osteoıdtar men osteomalarǵa, súıektiń qaterli metastazdaryna, gınekologııa men ýrologııada endometrııalyq qan ketýlerge, mıomalar jáne adenomıozdar kezindegi ablıasııa, varıkozdy tamyrlardyń ablıasııasy jáne tamyrly aqaýlarǵa kómek kórsetiledi», deıdi M.Amankeldiuly.
Arnaıy ótkizilgen master-klassta respýblıkanyń jetekshi ıntervensııalyq hırýrgteriniń biri jáne osy bólimsheniń meńgerýshisi Ilııas Nurseıitov óz tájirıbesimen bólisti. Sondaı-aq arnaıy shaqyrylǵan bilikti mamandar Daýranbek Arybjanov pen Astana qalasynyń rentgenhırýrgi Evgenıı Mýn da pikir almasty.
Master-klasstyń birinshi kúni 7 operasııa jasaldy. Mysaly, baýyr isikteriniń transarterıaldy hımıoembolızasııasy, mıomalardaǵy jatyr arterııalarynyń embolızasııasy, trombosıtopenııadaǵy kókbaýyr arterııasynyń embolızasııasy, baýyrdyń metastatıkalyq isikteriniń RJA jáne qalqansha beziniń qatersiz isikteriniń radıojıilik ablıasııasy jasaldy. Barlyq operasııa sátti jáne asqynýsyz ótti.
«Intervensııalyq hırýrgııa ádisteri pasıent úshin az ınvazıvti jáne aýyrtpalyqsyz, ońaltý kezeńi qysqa ýaqytty quraıdy. Qatersiz isikter úshin ablıasııa júrgizgennen keıin naýqas alǵashqy kúnderi ambýlatorııalyq deńgeıde qaralýyna múmkindik bar», deıdi M.Amankeldiuly.
Sheberlik saǵatynyń ekinshi kúni alynǵan materıaldy bekitýge baǵyttaldy. Aýdandardan jáne qalalyq onkologııalyq ortalyqtardan shaqyrylǵan dárigerler úshin GSK dári-dármekpen emdeý, TAHE jáne RJA engizý boıynsha shetelde dáleldengen materıaldar usynyldy. Sonymen qatar olar ádisterdi qoldaný tájirıbesi boıynsha ǵylymı baıandamalarmen tanysty.
Búginde búırek pen ókpeniń qaterli isikterin emdeýdiń zamanaýı erekshelikterin zertteı otyryp, klınıka osy lokalızasııa boıynsha hımıoembolızasııanyń az ınvazıvti ádisterin engizýdi jáne óz múmkindikterin keńeıtýdi josparlap otyr.
Aıta keteıik, emdeý ádistemesin Almaty jáne Astana qalalaryndaǵy onkologııa jáne radıologııa ınstıtýttary sııaqty 3 deńgeıdegi medısınalyq mekemeler ǵana meńgergen. Endi mundaı operasııa Taldyqorǵan qalasyndaǵy oblystyq kópsalaly klınıkada da jasalatyn bolady.
Jetisý oblysy
