Bıylǵy Chempıondar lıgasynyń toptyq kezeńinde Portýgalııanyń «Benfıka», Maltanyń «Lıýksol Sent-Endrıýs» jáne Chehııanyń «Hrýdım» komandalarymen bir topta óner kórsetken qazaqstandyq klýb birde-bir oıynda jeńiske jete almaı, jankúıerlerin jerge qaratty. Birinshi týrda «Lıýksol Sent-Endrıýspen» teń túsken (0:0) «Qaırat» ekinshi jáne úshinshi týrda «Hrýdım» men «Benfıkadan» 2:1 esebimen jeńilip qaldy.
Sóıtip, úsh oıynda nebári bir-aq upaı jınaǵan almatylyq ujym óz tobynda sońǵy orynda qalyp qoıdy. Al eki oıynda jeńiske jetip, bireýinde upaı bólisken «Benfıka» 7 upaımen týrnırdiń fınaldyq satysyna joldama aldy. Osylaısha, «Qaırat» qatarynan ekinshi jyl «Tórttik fınaldan» tys qaldy.
