Sýretti túsirgen Jumabaı Musabekov
Bul – oblysta bıyl iske qosylǵan jetinshi medpýnkt. Jalpy, óńirde jyl sońyna deıin 12 blok-modýldi medısınalyq keshen iske qosylady dep josparlanýda. Aýyl turǵyndarynyń qýanyshyna ortaqtasqan aýdan ákimi Almas Ábdınov, Jylandy aýylynyń ardagerler keńesiniń múshesi Murathan Mereev, eńbek ardageri Ilııas Qasymov kópshilikke izgi tilekterin bildirdi. Ǵımarattyń lentasy qıylǵan soń kelýshiler mekemeniń ishin aralap kórdi. Bul medısınalyq pýnkt Kókjar aýylynyń 160 turǵynyna qyzmet kórsetedi.
Jetisý oblysy ákimdiginiń málimetine súıensek, jobanyń jalpy quny – 39 mln teńge. Ǵımarattyń aýmaǵy – 108 sharshy metr. 12 turǵynjaıy bar. Atap aıtsaq, vestıbıýl, dáliz, dárihanasy bar tirkeý orny, akýsherlik qabyldaý bólmesi, egý bólmesi, prosedýralyq kabınet, materıaldar alý men zertteý bólmesi, orta medısınalyq qyzmetkerler bólmesi, 2 dárethana bólmesi, sol sııaqty basqa da turmystyq-sharýashylyq qajettiliktegi turǵynjaılar ornalasqan. Ystyq sý, jylý júıesi júrgizilgen, jeldetkish ornatylǵan. Qurylys-montajdaý jumystaryn «Qaz Damu Construction» JShS merdiger uıymy atqarǵan.
Jalpy, jyl sońyna deıin óńirde taǵy 5 blok-modýldi keshendi iske qosý josparlanǵan. Aqsý, Alakól, Eskeldi, Kóksý, Qaratal jáne Kerbulaq aýdandarynda jalpy quny 900 mln teńge bolatyn medısınalyq bloktarmen tolyǵady.
Mamandardyń aıtýynsha, blok-modýldi keshender berik, qarapaıym ornatylatyn, uzaq qyzmet etetin qurylys túri. Sonymen birge qolaısyz aýa raıyna tótep bere alady. Olardyń qyzmet etý merzimi 30 jyl dep mejelenedi.
Jetisý oblysy
