Jambyl oblysy polısııa departamentiniń esirtki qylmysyna qarsy is-qımyl basqarmasynyń qyzmetkerleri Taraz qalasynyń 33 jastaǵy turǵynyn ustady. Ustalǵan adamdy jeke tintý kezinde polıseıler esirtki zaty - kannabıs shaıyry bar 44 baılam taýyp, tárkiledi.
Ustalǵan adamnyń turǵylyqty jerin tekserý barysynda qyzmettik-izdestirý ıtiniń kómegimen esirtki zaty bar 2 jıyntyq tabyldy. Tárkilengen esirtkiniń jalpy salmaǵy 628 gramnan asty. Ustalǵan adam kinásin moıyndap, Taraz qalasynyń ýaqytsha ustaý ızolıatoryna qamaldy.
Atalǵan fakti boıynsha «Asa iri mólsherde esirtki quraldaryn zańsyz saqtaý» Qazaqstan Respýblıkasy Qylmystyq kodeksiniń 296-baby 4-bóligi boıynsha sotqa deıingi tergep-tekserý júrgizilýde. Atalǵan baptyń sanksııasy 3 jyldan 7 jylǵa deıin bas bostandyǵynan aıyrý jazasyn kózdeıdi.
