«Eki kún buryn ákimdikte jınalys boldy, oǵan Klebanov myrza da qatysty, biz JEO máselesin kóterdik. Olıgarh Klebanov bul nysandy memleketke bir teńgege satýǵa daıyn ekenin jetkizdi. Biz másele olaı sheshilmeıtinin, JEO basshylyǵy jelilerdiń tozýy men halyqqa keltirilgen moraldyq zalaldy óteýge mindetteletinin túsindirdik», dedi Erlan Saırov májilis aıasynda tilshilerdiń suraqtaryna jaýap bere otyryp.
Depýtattyń aıtýynsha, Aleksandr Klebanov Memleketke dál osyndaı usynys jasaǵan.
«Bul másele kóterilgende jınalys daý-damaıǵa aınalyp, árkim óz pikirinde qaldy. Bul másele Úkimet deńgeıinde sheshiledi dep oılaımyn. Eger quqyq qorǵaý organdary qandaı da bir teris faktilerdi tapsa, árıne, zalaldy óteý týraly másele qozǵalady», dep tolyqtyrdy Erlan Saırov.
Eske sala ketsek, 27 qarashaǵa qaraǵan túni Ekibastuzda birden birneshe qazandyq agregattary isten shyqqany habarlanǵan edi. Jaǵdaıdy Pavlodar oblysynyń ákimi Ábilqaıyr Sqaqov pen Ekibastuz qalasynyń ákimi Aıan Beısekın baqylaýǵa aldy. Olardyń aıtýynsha, jylý jelilerinde 10 zaqymdaný orny anyqtalǵan.
