«Aglomerasııalardy damytý týraly» zań jobasy jáne oǵan ilespe zań jobasy Memleket basshysynyń 2021 jylǵy 1 qyrkúıektegi tapsyrmalaryn oryndaý maqsatynda ázirlendi jáne aglomerasııalardy qalyptastyrý men damytý úshin quqyqtyq jaǵdaılar jasaýǵa baǵyttalǵan.
Atalǵan zań jobalary 2022 jyldyń 23 qarashasynda birinshi oqylymda maquldandy.
Zań jobalary:
- aglomerasııalardy damytý boıynsha jańa tásilderdi engizýdi, óńirlik jáne respýblıkalyq deńgeılerde aglomerasııalar boıynsha keńester qurýdy usynady;
- Úkimettiń, ýákiletti organnyń, jergilikti ókildi jáne atqarýshy organdardyń aglomerasııalardy damytý salasyndaǵy quzyretterin aıqyndaý;
- oblystardyń, respýblıkalyq mańyzy bar qalalardyń jáne astananyń jergilikti atqarýshy organdarynyń qala qurylysyn josparlaý, kólik ınfraqurylymyn josparlaý, sáýlet jáne qurylys qyzmeti, bıýdjettik prosesterdi iske asyrý salasyndaǵy ókilettikterin keńeıtý. Bul aglomerasııalar aýmaǵyndaǵy jergilikti mańyzy bar mindetterdi birlesip sheshýge múmkindik beredi.
Sondaı-aq qala ortalyǵyn da, qala mańyndaǵy aımaqtardy da damytýǵa baǵyttalǵan aglomerasııa jobalaryn birlesip qarjylandyrý boıynsha qala jáne irgeles oblys bıýdjetteri arasynda kóldeneń transfertter múmkindigi usynylady.
