Messıdiń hali «múshkil»

Álem chempıonatynyń ekinshi týr oıyndary aıasynda Argentına men Meksıka quramalary kezdesip, matchtan keıin fýtbolshylar ádettegideı bir-birimen jeıde almasqan bolatyn. Kezdesýden keıin áleýmettik jelide Argentına quramasynyń kıim aýystyrý bólmesindegi Messıdiń Meksıka jeıdesin aıaǵymen basyp turǵan fotosýreti tarap ketti. Alǵashynda buǵan eshkim nazar aýdarmaǵan edi. Keıinnen kásipqoı bokstaǵy Meksıkanyń maqtanyshy Saýl «Kanelo» Alvares sony baıqap qoıyp, Messıge áleýmettik jelide qoqan-loqy kórsetti.

«Messıdiń aıaǵynyń astynda bizdiń eldiń týy beınelengen jeıdeni kórdińizder me? Qudaıdan ony menimen jolyqtyrmaýyn tileımin! Men Argentınany qalaı syılasam, olar da Meksıkany solaı qurmetteýge tıis. Men Argentına týraly emes, tek Messı týrasynda aıtyp otyrmyn», dep jazdy Alvares tvıtter paraqshasynda. Ázirge bul daýǵa qatysty Messı eshqandaı pikir bildirgen joq, biraq Lıonelmen bir alańda oınaǵan fýtbolshylar ony qorǵap, ádeıi istemegenin jazyp jatyr.

Mbappe – О́zbekstan «qaharmany»

Fransııa men Danııa quramalarynyń arasyndaǵy matchta Kılıan Mbappe mer­gen­­dik tanytyp, soqqan golyn Fran­sııadan kelgen jankúıerlerdiń aldyna baryp toılady. Matchtan keıin sol sát tú­siril­gen fo­tosýretti Mbappe óziniń Instagram paraq­sha­syna júktep, áp-sátte О́zbek­stan­nyń qahar­manyna aınalyp shyǵa keldi.

Sóıtsek, Qatarǵa О́zbekstannan barǵan jan­kúıer stadıonnyń trıbýnasyna О́zbekstan­nyń týyn ilip qoıǵan eken. Ala taqııaly aǵaıyn­dardyń qýanyshyna oraı, Kılıan da dál sol О́zbekstannyń týy ilingen jerge baryp golyn toılaı qalǵan eken. Mbappeni áleýmettik jelige О́zbekstan týy bar sýretti salǵany úshin oǵan ózbek halqy rızashylyǵyn bildirip, óz eline qonaqqa shaqyryp jatyr. Tórt kún buryn salynǵan sýret búginge deıin tórt mıllıonǵa jýyq lúpil jınap, 75 myńǵa jýyq jankúıer pikir jazǵan. Onyń basym kópshiligi ózbekstandyq fýtbol jankúıerleri ekeni aıtpasa da túsinikti.

«Áke kórgen dop tebedi»

Bıylǵy álem chempıonatynda kezinde fýt­bol áleminde jasyndaı jarqyldaǵan dańq­ty fýtbolshylardyń uldary boı kór­sete bastady. Máselen, 1995 jylǵy «Al­tyn doptyń» ıegeri, qazirgi Lıberııa memleketiniń prezıdenti Djordja Veanyń uly Tımotı Vea AQSh quramasy sapynda, danııa­lyq fýtbolshy Peter Shmeıheldiń uly Kasper Shmeıhel, 1998 jyly Fran­sııamen birge álem chempıony atanǵan Lılıan Tıýramnyń uly Markýs Tıýram, nı­der­landtyq Dannı Blınd­tiń uly Deılı Blınd Qatardaǵy álem­dik dodada dop teýip júr.

Osyndaı ákege qarap ósken uldardyń qatarynda ırandyq Amır Abedzade men ame­rıkalyq Djovannı Reına da bar. Bir qy­zyǵy, bulardyń ákeleri Ahmad Reza Abed­zade men Klaýdıo Reına 1998 jylǵy álem chempıonatynyń toptyq kezeńinde bir-birine qarsy jasyl alańda oınaǵan eken. Keshegi Iran men AQSh arasyndaǵy matchta sol tarıh qaıtalanýy múmkin edi. О́kinishke qaraı, ol kezdesýde Amır de, Djovannı de qosalqy quramda qalyp qoıyp, 24 jyl burynǵy ákeleriniń «jetistigin» qaıtalaı almady.