Aýyl – kúlli qazaqtyń altyn besigi. Qashanda halqymyz úshin aýyl – rýhanııatymyzdyń temirqazyǵy, ulttyq qundylyqtarymyzdyń negizi. Osy rette, el Prezıdentiniń aýyl turǵyndaryn qoldaý maqsatyndaǵy Jarlyqqa birden qol qoıyp, Úkimetke naqty 5 jylǵa arnalǵan josparyn ázirleýge tapsyrma berýi sózi men isi arasynda alshaqtyqtyń joqtyǵyn kórsetti. Sondaı-aq qaltalaryn qampıtyp shetel asqan jemqorlardyń aqshalaryn qaıtaryp, ol qarjyny joǵary tehnologııaly óndiris oryndaryn ashýǵa, mektepter men aýrýhanalar salýǵa, áleýmettik jobalardy júzege asyrýǵa qoldanatyny kóńildegi kirbińdi bir seıiltti.
Budan bólek, Qasym-Jomart Kemeluly ádiletti Qazaqstanda ustaz, dáriger, tártip saqshysy, qutqarýshy, jumysshy, sharýa sııaqty mamandardyń mártebesin odan ári arttyrýdy kózdeıtinin de aıtty. Memleket basshysynyń «Qyzmet – ýaqytsha, al halyq – máńgi» degen sáýleli sózderimen qazaqstandyqtarǵa el múddesi bárinen bıik ekenin, oǵan jaýapkershilikpen qaraý, árbir azamattyń mindeti ekendigine basa nazar aýdarýy halyq senimin odan ári arttyra tústi.
Ákim YSQAQ,
Qazaqstannyń eńbek sińirgen qaıratkeri
