Pikir • 01 Jeltoqsan, 2022

Áleýmet zárýligine mán bergen jón

58 ret kórsetildi

Memleket basshysy Qasym-Jomart Toqaevtyń 26 qarashada ótken ulyqtaý rásiminde aıtqan sózderi, kótergen máseleleri – jurtshylyqtyń jiti nazarynda júrgen mańyzdy suraqtar ekeni daýsyz. Saltanatty rásimde áýeli ózin qoldaǵan barsha qazaqstandyqtarǵa rızashylyǵyn bildirgen Prezıdent aldaǵy ýaqytta iske asyrylatyn basym baǵyttardy jiktep kórsetti. Ásirese Qasym-Jomart Kemelulynyń aýyldy órkendetýge qatysty pikirleri asa mańyzdy dep bilemin.

Qazaq halqynda «Aýylym – altyn besigim» deıdi, búginde el turǵyn­darynyń jartysyna jýyǵy aýyl halqy. Qalada turatyndardyń da basym úlesi jańadan qonys aýdarýshylar, ıaǵnı aýyldan kelgen turǵyndarǵa tıesili. Qanshalyqty ýrbanızasııa úderisi júrse de, qazaq halqy óziniń túp qazyǵy bolǵan aýyldan qol úzgen emes.

Degenmen de qala turǵyndary sanynyń kún sanap ósýi áleýmettik máselelerdi alǵa shyǵardy. Máselen, qala halqynyń sany artqan saıyn jańa balabaqsha, mektep, emhana jáne basqa da áleýmettik nysandardy salý qajettigi týyndap otyr. Qazirdiń ózinde mundaı ózekti máseleler elimizdegi iri mega­polısterde ǵana emes, shaǵyn qala­larda da kún tártibinen túspeı keledi.

Sondyqtan da aýyldyń jaǵdaıyn jaqsartý memlekettik másele bolyp tabylady. Aýyldyń ınfraqurylymyn damytý, balabaqshalar, mektepter, sport nysandaryn turǵyzý, halyqty taza aýyz sýmen qamtamasyz etý, eldi mekenderdiń elektrmen qamtylýy, joldar­dyń sapasy qala men aýyl arasyn­daǵy alshaqtyqty joıyp, aýyl turǵyn­darynyń qalaǵa kóshý úderisin toqta­ta alady. Sonymen qatar aýyldy kór­keıtý aýyl sharýashylyǵyn damytý­ǵa, eldi mekenderdegi aýyl sharýa­shy­lyǵymen baılanysty shaǵyn bıznes­ti damytýǵa, aýylda jastardyń turaq­taýyna jol ashady degen senim mol.

Jańa mamandyqtar qajettiligine jasalǵan taldaýlar, aldaǵy ýaqytta aýylsha­rýa­shylyq mamandaryna suranys­tyń artatynyn kórsetken. Qazaq­stan – joǵary sapaly azyq-túlikti, onyń ishinde et pen astyq ónimd­erin óndiretin el. Halyqaralyq deńgeıde azyq-túlikke suranys artsa, bul – otan­dyq fermerlerge, aýyl sharýa­shy­ly­ǵyn damytýǵa serpin beretin jańa baǵyt. Biz tabıǵı ken baılyq­tar­dy, shıkizatty óndirýden basqa osy agrarlyq sektordyń damýyna basa kóńil bólýge tıispiz.

Bul úshin kásibı mamandardy tartyp, aldaǵy kezeńde aýyl úshin qajet degen mamandyq ıelerin daıarlaýmen qatar, jastardyń aýylǵa barýǵa degen qulshynystaryn arttyrý kerek. Ýnıversıtetter de óz kezeginde aýyldyq jerlerdegi mektepter, balabaqshalar, basqa da kásiporyndarda bolashaq mamandar úshin tájirıbe alańdaryn jasaý, ózara áriptestik baılanystar júrgizýdi qolǵa alady. Bul oqý oryndarynyń aldyńǵy qatarynda H.Dosmuhamedov atyndaǵy Atyraý ýnıversıteti de bar.

 

Salamat YDYRYSOV,

H.Dosmuhamedov atyndaǵy Atyraý ýnıversıteti basqarma tóraǵasy-rektor

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Qazaqstanda aýasy eń las qala ataldy

Ekologııa • Búgin, 12:59

Uqsas jańalyqtar