Polısııa departamenti baspasóz qyzmetiniń habarlaýynsha, kontrafaktilik ónimder jergilikti dúkende satylǵan. Saýda ıesiniń 580 bótelkeden astam alkogol ónimin satýǵa lısenzııasy bolmaǵan. Ol «Tıisti tirkeýsiz, ruqsatsyz nemese habarlamasyz kásipkerlik nemese ózge de qyzmetpen aınalysý, sondaı-aq áreketterdi (operasııalardy) júzege asyrý» ákimshilik bap boıynsha jaýapkershilikke tartylady.
Polısııanyń aıtýynsha aýyldyq jerlerde ruqsat etilmegen alkogoldi ishimdikterdi qoldarynan satý sırek emes. Bul kóbinese túnde jáne mas kúıinde zańsyz taýar alýǵa kelgen adamdardyń minez-qulqyna baılanysty satyp alýshylardyń ómiri men densaýlyǵyna qaýip tóndiredi, al kórshiler úshin alańdaýshylyq týdyrady.
Jalpy, jyl basynan beri oblysta alkogol ónimin lısenzııasyz satýdyń 237 faktisi tirkelgen. Zańsyz aınalymnan 8 myń lıtrge jýyq alkogol tárkilendi.
