Qoǵam • 02 Jeltoqsan, 2022

Urpaq tárbıesindegi balabaqshanyń róli

139 ret kórsetildi

«Adamǵa eń birinshi bilim emes, tárbıe berilýi kerek, tárbıesiz berilgen bilim adamzattyń qas jaýy, tárbıesiz berilgen bilim adamzatqa apat ákeledi», degen ǵulama ǵalym Ábý Nasyr Ál-Farabı. Qazaq halqy urpaq tárbıesin ulttyń taǵdyry, ulttyń bolashaǵymen tyǵyz baılanystyrǵan. Otbasyndaǵy tárbıe máselesine aıryqsha kóńil bólgen.

Tárbıe – tal besikten ekenin eskersek, bala tárbıesinde onyń qoǵam múshesi retinde endi ǵana qalyptasyp kele jatqan shaǵynda, ıaǵnı balabaqsha qabyrǵasynda tárbıeshilerdiń, balabaqsha pedagogteriniń de atqaratyn róli erekshe. Bul turǵyda  QR PIB Medısınalyq ortalyǵynyń «Qarlyǵash» balabaqshasynda zamanaýı, tıimdi ádis-tásilder qoldanylady, bala tárbıesinde ujymnyń izdenimpazdyǵy men shyǵarmashylyǵy da basty faktor bolyp tabylady.

– Shyndyǵyn aıtqanda, qazirgi qym-qýyt tirlikte kóp ata-ananyń bala tárbıesine jetkilikti kóńil bólýine ýaqyt tapshy bolyp jatady. Sondyqtan balabaqshada biz balanyń bilim alyp, ortany tanyp, durys tanym qalyptastyryp jetilýine úlken mán beremiz. Bala – bizdiń bolashaǵymyz. Bolashaq urpaq tárbıesine úlken jaýapkershilikpen qaraǵan jón. Ásirese, ulttyq qundylyqtardy boıyna sińirýimiz qajet. Otbasyndaǵy tárbıe men balabaqshadaǵy tárbıeni ushtastyra otyryp, ári qaraı durys damyp-jetilýine sebepker bolý balabaqsha ujymynyń da keleshek urpaq tárbıesine qosar úlesi.

Balabaqshada balany eńbeksúıgishtikke baýlý, adamgershilik, estetıkalyq qasıetterin damytýǵa nazar aýdarylady. Mysaly, kishkentaı toptarda balalar tárbıeshi kómegimen kıinip, jýynyp, bir-birine kómektesedi, tárbıeshiler olardy «rahmet, keshir, ótinemin» sózderin aıtýǵa baýlıdy. Jas urpaqtyń boıyna adamgershilik qasıetterdi sińirý – ata-ana men ustazdardyń basty mindeti. Sonymen qatar balanyń boıyna izdenimpazdyq, meıirimdilik, qamqorlyq, toptaǵy ózge de balalarmen jyly qarym-qatynas ornatý, tapsyrmalardy jaýapty oryndaý arqyly óz-ózine degen senimdilik negizi qalanady, - deıdi QR PIB MO «Qarlyǵash» balabaqshasy» RMK dırektory Beıbitgúl Qazaqpaeva.

Bala – tulǵa, onyń da jeke oıyn, tilegin, pikirin syılaý mańyzdy.  «Jaqsy sóz – jarym yrys» degen, sondyqtan jaqsy sózder aıtyp, onyń oıymen de bólisip, oı-sanasyn damytý kerek dep esepteıdi balabaqshadaǵy tárbıeshiler ujymy.

Balabaqshanyń bilimdi, izdenimpaz pedagogteri balalardyń shyǵarmashylyq qabiletterin belsendi damytýda, tanymdyq qyzyǵýshylyqtaryn qanaǵattandyrýda jáne jalpy bilim beretin mekteptiń bastaýysh synybynda oqýǵa qajetti daǵdylaryn qalyptastyrýda úlken úles qosyp keledi.

Sondaı-aq balabaqshalardyń tehnıkalyq bazasynyń zamanaýı talaptarǵa saı jabdyqtalǵandyǵy balalardyń qozǵalys pen fızıkalyq daǵdylardy qalyptastyrýǵa jáne damytýǵa yqpal etedi. Atap ótsek, fýtbol, sport alańdary, «densaýlyq joly», jol júrý erejelerin úıretetin ýchaskeler, shaǵyn baqsha, «Kóńildi parovoz» attraksıonynyń oıyn alańdary, velosıped júretin joly bar alań, serýendeıtin baq bar. Bulardyń barlyǵy taza aýada balalardyń kóńildi, paıdaly jáne qaýipsiz is-áreketine arnalǵan.

Balabaqshalardaǵy ınteraktıvti kommýnıkatıvtik tehnologııalar - «sóıleıtin» qabyrǵalar, Redjıo sheberhanalary, ınteraktıvti eden, belsendilik ortalyqtary, robototehnıka zerthanalary, akva jáne gıdroponıkalyq qondyrǵylar, Kvantorıýmdar jáne t.b. balalardyń boıyndaǵy túrli qabiletterdi shyńdap, tolyqtaı damytýǵa yqpal etedi. Qalyptasqan bilim, ıkemdilikter men daǵdylar balabaqsha tárbıelenýshilerine ártúrli deńgeıdegi konkýrstar men jarystarǵa nátıjeli qatysýǵa múmkindik beredi. Bundaı sharalarda ata-analardyń kórsetip jatqan qoldaýyn erekshe atap ketken jón.

Sonymen birge balany tárbıeleýde ata-anamen ózara árekettesý «Meıirban ata-analar klýby», sporttyq, shyǵarmashylyq, qaıyrymdylyq jáne t.b. is-sharalar arqyly júzege asyrylady.

Osylaısha, ata-anamen birlese otyryp,  balalardy tárbıege baýlýda tyǵyz baılanysta jumystar atqarylady.

Sońǵy jańalyqtar

Berik Berkimbaev qyzmetinen bosatyldy

Qoǵam • Búgin, 16:45

Elimizdiń basym bóliginde qar jaýady

Aýa raıy • Búgin, 16:36

Almatyda eki avtobýs soqtyǵysty

Aımaqtar • Búgin, 11:33

KMG Kashagan B.V. bas dırektory taǵaıyndaldy

Taǵaıyndaý • Búgin, 10:41

Uqsas jańalyqtar