Bul monetalar QUB, Qazaqstan moneta saraıy men MDM nemis nýmızmatıkalyq kompanııasy arasyndaǵy úshjaqty kelisim aıasynda shyǵarylady.
Monetalardyń satylymǵa túsetin kúnine qatysty aqparat QUB-tyń resmı saıtynda qosymsha jarııalanady.
«FIFA WORLD CUP QATAR 2022 monetalarynyń dızaınyn FIFA Halyqaralyq fýtbol federasııasy bekitken. Katardaǵy fýtboldan 2022 jylǵy álem chempıonatynyń resmı slogany EXPECT AMAZING stadıonnyń elektrondyq tablosyndaǵy jazý stılinde jasalǵan. Monetada relefti ortasha deńgeıde altyn jalatý boıynsha jańa tehnologııa qoldanylyp otyr. Ol monetalyq óndiriste alǵash ret paıdalanyldy jáne doptyń kólemin bólip kórsetýge múmkindik beredi. Onyń altyn jalatylǵan bólikteri fýtbol qaqpasynyń tor deńgeıinen tómen ornalasqan», delingen habarlamada.
FIFA WORLD CUP QATAR 2022 kolleksııalyq monetalary altyn jalatý tehnologııasyn qoldana otyryp, 925/1000 synamaly kúmisten jasalǵan. Massasy 20 gramm, dıametri 37 mm, nomınaly 100 teńgelik, jalpy taralymy 4 000 (tórt myń) dana. Ishki naryq úshin monetalardyń taralymy 3 650 dana, syrtqy naryq úshin 350 dana.
Kolleksııalyq monetalar Qazaqstan Respýblıkasynyń búkil aýmaǵynda óziniń belgilengen qunymen tólemniń barlyq túri boıynsha qabyldanýǵa jatady, sondaı-aq Qazaqstan Respýblıkasynyń barlyq bankinde bank shottaryna esepke alynyp, aýdarylady, usaqtalady jáne aıyrbastalady.
Kolleksııalyq monetalar Qazaqstan teńge saraıynda daıyndaldy.
