Qazaqstan • 03 Jeltoqsan, 2022

Aýyldarda sportty damytýǵa qatysty máseleler talqylandy

114 ret kórsetildi

Mádenıet jáne sport mınıstri Dáýren Abaev aýyldyq jerlerde jumys isteıtin sport nusqaýshylarymen kezdesti. Mamandar aýyl sportyn damytý jáne jergilikti jerlerde ozyq tájirıbe usyný, balalar men jasóspirimder arasynda oblystyq jáne aýdandyq, aýylaralyq jarystar ótkizý, jańa sport nysandaryn ashý, eńbekaqyny kóterý sııaqty salaǵa qatysty máseleler men usynystardy talqylady, dep habarlaıdy Egemen.kz.

Kezdesý «Aýyl alańynan – Olımpıada tuǵyryna» atty aýyldyq sport nusqaýshylarynyń I konferensııasy aıasynda ótti. Qazir aýyldyq jerlerdegi sport mektepterinde bilim alatyn 257 749 bala men jasóspirimdi, sporttyq klýbtarǵa baratyn taǵy 15 322 jasóspirimdi, túrli sporttyq seksııalarmen qamtylǵan 40 578 balany jáne bilim berý uıymdaryndaǵy 32 812 stýdentti 4 myńnan astam jattyqtyrýshy tárbıeleýde. Sondaı-aq aýyldarda 3 myńnan astam sport nusqaýshysy jumys isteıdi.

«Aýyl sportynyń negizgi qozǵaýshy kúshi – sizder. Nusqaýshylar bolashaq chempıondardy tárbıelep qana qoımaı, myńdaǵan bala men jasóspirim arasynda sportty tanymal etýge atsalysyp keledi. Aýyl sportyn damytý úshin barynsha jumys isteý kerek. Alaıda, qalyptasqan júıede qordalanǵan másele bar ekeni jasyryn emes. Mysaly, nusqaýshylardyń eńbekaqysy kóterilgen jaǵdaıda bıýdjetke qandaı júkteme bolady, naqty qandaı mindettemeler qoıylǵan, kim qadaǵalap jaýap beredi, aýyl kadrlary kimge baǵynýy kerek jáne taǵysyn taǵy. Damý úshin júıeli túrde jumys isteý qajet», dedi Dáýren Abaev.

Aıta keteıik, mınıstr Respýblıkalyq oqý-ádistemelik jáne taldaý ortalyǵyna jergilikti jerlerdegi jaǵdaıdy zerdelep, tıisti jumys júrgizýdi tapsyrdy.

 

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Qazaqstanda aýasy eń las qala ataldy

Ekologııa • Búgin, 12:59

Uqsas jańalyqtar